Read Baibul, Mizo Sam 49 Bible Online

Sam 49 - Baibul, Mizo bible

Sam 49

¹Mi tinrengte u, hei hi ngaithla u la; Khawvela awm zawng zawngte u, beng lo chhi rawh u:

²Mi te leh mi lian, Mi hausa leh mi rethei pawhin.

³Ka ka hian finna thu a sawi ang a; Ka thinlung ngaihtuah chu hriat thiamna thu a ni ang.

⁴Tehkhin thu-ah ka beng ka chhi ang a: Ka thu ril sawi chu tingtangin ka hrilhfiah ang.

⁵Ni tha loahte, ka ke artui bula khawlohna khawlohna chuan mi hual vel pawhin, Engah nge ka hlauh vang?

⁶Mahni sum ringa, Mahni hausakna nasa tak chhuangtute chuan;

⁷Tuma'n an unau pawh an tlan thei tawp lo ang a, Pathian hnenah tlanna an peksak thei hek lo ang:

⁸(An nun tlanna tur chuan thil nasa tak sen tur a ni a, Kumkhua pawha atina tin, loh mai tur a ni:)

⁹A dam reng fo a, Tawihna a hmuh lohna tur chuan.

¹⁰Mi finge pawh an thi a, Mi a leh mi mawlte pawh an boral ve ve a, An sum mi dangte an hnutchhiah thinte chu a hre si a.

¹¹An rilru ngaihtuah dan chu, An inte chu kumkhuaa awm tur ang leh, An awmnate chu chhuan zawng zawng thlenga awm tur angin a ni; An ramte chu anmahni hming vek an puttir thin.

¹²Nimahsela mihring hi chawimawiin an awm reng lo va: Sa boral thinte ang mai hi an ni e.

¹³Chung an awm dan chu an atna a ni: Nimahsela, an hnu-ah chuan miten an thu sawite chu tha an ti thin.

¹⁴Talh tur beram Seola thlun khawm ang an ni, (Selah) Thihna chu an vengtu a ni ang a: Khua a varin mi felten an chungah ro an rel ang a; An taksa a ral ang a, Seol chu an chenna in tur a ni.

¹⁵Ka nunna erawh chu Pathianin Seol kut ata a tlan chuak ang; Ani chuan mi lawm dawn si a. (Selah)

¹⁶Mi tihhausaka a lo awm a, A chhungkaw ropuina chu a lo nasat tulh tulh pawhin, hlau suh ang che;

¹⁷A thih hunah chuan engmah a chhawm dawn lo a; A ropuina chuan a zui thla dawn si lo.

¹⁸A dam laiin intiengthawl mah se la, (A hlawhtlin avangin mi'n fak thin mah se,)

¹⁹A thlahtute chhuan hnenah a kal ang; Engtikah mah eng hmu rawh lo turte hnenah chuan.Mihring, chawimawia awma, hrait thiamna nei si lo chu, Sa boral thinte ang mai hi an ni.

²⁰Mihring, chawimawia awma, hrait thiamna nei si lo chu, Sa boral thinte ang mai hi an ni.