Read Baibul, Mizo Sam 5 Bible Online

Sam 5 - Baibul, Mizo bible

Sam 5

¹Aw LALPA, ka thu-ah hian beng lo chhi la, Ka ngaihtuahna hi ngaihtuah ang che.

²Ka Lal leh ka Pathian, ka au thawm hi ngaithla ang che; I hnena tawngtai ka ni si a.

³Aw LALPA, zingah chuan ka aw hi i lo hre thin ang a; Zingah chuan ka tawngtaina hi i hmaan ka rel fel diam ang a, ka lo ngaihven thin ang.

⁴Suahsualnaa lawm thin Pathian i ni si lo va: Mi sual chu i hnenah an thleng lo ang.

⁵Mi uangthuangte chu i mithmuhah an ding thei lo ang a: Thil tisualtute zawng zawng chu i haw thin.

⁶Dawt thu sawi hmangte chu i tiboral ang a: LALPA'n thisen chhuah hmang leh bum hmang mi chu a ten riau thin.

⁷Kei erawh chu, i ngilneihna nasa tak avangin, i inah ka lo lut ang a: Tih chung chein i biak in thianghlim lam hawiin chibai ka buk thin ang che.

⁸Aw LALPA, ka hmelmate avangin hian i felna avang chuan mi hruai la; I kawng chu ka hmaah hian titluang ang che.

⁹An kaah chuan rinawmna reng reng a awm lo a; An kawchhung chu suahsualna hlir a ni: An hrawk chu thlan inhawng a ni a; An leiin mi an fak der thin.

¹⁰Aw Pathian, anniho hi thiam loh chantir ang che; Anmahni remruat ngeite chu tluk phahna'n hmang rawh se. An bawhchhiatna tam tak avang chuan nam chhuak ang che; I chungah an hel si a.

¹¹Nangmaha an rinna nghat zawng zawngte erawh chu nangmahah chuan lawm se la, I hum thin avangin hlimin au kumkhua hlawm rawh se: I hming ngainate pawh nangmahah chuan lawm takin awm rawh se.Mi fel chu mal i sawm dawn si a; Aw LALPA, ani chu phaw ang hian duhsaknain i hual vel ang.

¹²Mi fel chu mal i sawm dawn si a; Aw LALPA, ani chu phaw ang hian duhsaknain i hual vel ang.