Read Baibul, Mizo Sam 50 Bible Online

Sam 50 - Baibul, Mizo bible

Sam 50

¹Pathian, Pathian ngei, LALPA chuan thu a sawi a, Leilung hi ni chhuahna atanga a tlakna thlengin a ko ta.

²Mawi famkimna, Zion atang chuan, Pathian chu a eng chhuak ta a.

³Kan Pathian chu a lo kal ang a, a ngawi reng lo ang: A hma lamah chuan mei a kang hluah hluah ang a, A velah chuan thlipui nasa tak a thleh bawk ang.

⁴A mite ro a rel theihna turin Chung lam vante leh lei hi a ko ang,

⁵Ka mi thianghlimte ka hnenah rawn hruai khawm rawh u, Sa talha kan hnena thu thlungtue chu," tiin.

⁶Tichuan, vante khian a felna chu a tlangaupui ang, Amah Pathian ngei chu roreltu a ni si a. (Selah)

⁷Aw ka mite u, ngaithla rawh u, thu ka sawi dawn e; Aw Israel, ngaithla rawh, ka hriat fiahtir dawn a che: Kei hi Pathian, i Pathian ngei chu ka nih hi.

⁸I inthawinate avangin ka zilhhau lo ang che; I halral thilhlante chu ka hmaah a awm chawt si a.

⁹I in ata chu bawngpa reng reng ka la chhuak lo ang a, I ran huang atate kelpate pawh ka la chhuak hek lo ang.

¹⁰Ramhnuaia sa tinrenge hi ka ta a ni si a, Tlang sangkhat lai chunga ran awmte pawh chu.

¹¹Tlanga sava zawng zawng ka hre vek a: Ram sate pawh hi ka ta a ni.

¹²Riltam mah i la ka hrilh lo ang che: Leilung leh a chhunga thil awm zawng zawng hi kqa ta a ni si a.

¹³bawngpa sa ka eiin Kel thisen ka in dawn em ni?

¹⁴Pathian hnenah lawm thu sawi inthawina chu hlan zawk la; I thutiam pawh Chungnungera lakah hlen rawh:

¹⁵Tin, mangan niah chuan mi ko la; Ka chhanhim ang che, tichuan nangin mi chawimawi dawn nia," a ti a.

¹⁶Mi suaksual hnenah erawh chuan, Pathianin, "Ka thuruat hi eng tiziaa hriattira, ka thuthlung hi eng tiziaa i kaa lam ngun nge i nih?

¹⁷Thunun i hua a, Ka thute hi hnung lamah i paih zel si a.

¹⁸Rukru i hmuhin rem i tihpui a, Uirepate lah i kawppui bawk thin.

¹⁹I ka hi sual i pe a, I lei hian humna a siam bawk thin.

²⁰Thu chungin i unau i sawisel a; Mahni nute fapa ngei chu i hek thin.

²¹Chung thil chu i ti a, nimahsela ka ngawi reng a; Chutichuan nangmah ang diakah mi ruat thin: Nimahsela ka zilhhau ang chia, i mithmuhah indawt zelin ka tilang ang.

²²Nangni Pathian theihngilhtute u, hei hi ngaihtuah rawh u khai! Chutilochuan ka pawt sawm dah ang che u, nangmahni chhanhimtu reng an awm dawn si lo.Tu pawh lawm thu sawi inthawina hlan apiang chuan mi chawimawi thin a; Tin, a awm dan vawng uptu hnenah chuan Pathian chhandamna ka entir ang," a ti a.

²³Tu pawh lawm thu sawi inthawina hlan apiang chuan mi chawimawi thin a; Tin, a awm dan vawng uptu hnenah chuan Pathian chhandamna ka entir ang," a ti a.