Read Baibul, Mizo Sam 52 Bible Online

Sam 52 - Baibul, Mizo bible

Sam 52

¹Aw, mi chak, engati nge thil tihsual i chhuan ni? Pathian ngilneihna chu a awm fo thin ni.

²I leiin thil sual tak tih a suangtuah thin; Bakmeh chem hriam tak bumhmang ang hian.

³Tha aiin sual i ngaina zawk a; Felna thusawi aiin dawt thu sawi i ngaina zawk bawk a. (Selah)

⁴Aw, nang lei mi bumhmang, Thu mi lem zo thei zawng zawng chu i ngaina thin.

⁵Pathianin kumkhua atan a tiche ve ang che, A man ang chia, i awmna atangin a hnuk chhuak ang chia, Mi nung ram ata hi a pawt chhuak daih ang che. (Selah) Mi felte pawhin an hmuin an hlau vang a, An nuihsan ang,

⁶En teh u, he mi hi a ni, Pathian a kulhbinga siam duh lo a, A hausakna nasa tak ring zawka, A sualnaa intichak vei chu ni," tiin.

⁷Kei erawh zawng Pathian ina oliv thing chawr duah hluah ang ka ni: Pathian ngilneihna chu kumkhaw tlaitluanin ka ring ang.Chu chu i tih avangin, kumkhuain lawm thu ka hrilh fo ang che: I mi thianghlimte mithmuhah chuan i hming chu ka nghak reng ang, a tha si a.

⁸Chu chu i tih avangin, kumkhuain lawm thu ka hrilh fo ang che: I mi thianghlimte mithmuhah chuan i hming chu ka nghak reng ang, a tha si a.