Read Baibul, Mizo Sam 55 Bible Online

Sam 55 - Baibul, Mizo bible

Sam 55

¹Aw Pathian, ka tawngtainaah hian beng lo chhi la; Khawngaih ka dilnaah hian inthup suh ang che.

²Mi ngaithla la, mi chhang ang che. Ka mangan thu avangin ka van ruai a, ka rum thin;

³Dotu thawm avangte, Mi suaksual hnehchhiahna avangtein. Anni chuan sualnain mi lum khumin, Thinurin mi tiduhdah si a.

⁴Ka kawchhungah hian ka thinlung a na em em a: Thih rapthlaknate chuan mi delh a.

⁵Tihna leh khurhnain mi bawh a, Hlauhnain mi khuh zo ta.

⁶Tichuan, "Aw, thuro anga thla neih ka va duh em! Chutichuan ka thawlk daih ang a, thlamuang takin ka awm ang a.

⁷Ngai teh, hla takah ka leng ang a, Thlalerah ka awm ang a. (Selah)

⁸Thli na tak leh thlipui hi Bikna hmunah ka kalsan thuai tur," ka ti a.

⁹Aw Lalpa, an lei chu tichhiain tithler ang che: Khawpuiah chuan inpawngnekna leh innghirnghona ka hmu si a.

¹⁰Achhun azanin khawpui chu kulh tlangah an vel an vel a: A chhungah chuan sualna leh hrehawmna a awm bawk a.

¹¹Suahsualna a chhungah a awm a: Bumna leh tihderna chuan a kawtlai chu a chhuahsan ngai lo.

¹²Mi sawichhetu chu hmelma ani si lo a; Ni se la chu, ka tuar thei zawk tur: Ka chunga intiliana chu mi hawtu a ni hek lo; Ni se la chu ka bihruksan tur:

¹³Nimahsela nang, ka mi anpui, Ka thian, ka thian kawm ngeih i ni miau si a.

¹⁴Kam thlum taka kan inbiakrawn thin a, Mipui zinga Pathian biak ina kan len thin kha.

¹⁵Thihna an chungah lo thleng thut se la, Khuarkhurumah chuan a nung chungin chhuk rawh se: Suahsualnate chu an awmnaah leh an kawchhungahte a awm si a.

¹⁶Kei zawngin Pathian ka ko ang a; Tichuan LALPA'n mi chhandam ang.

¹⁷Tlaiah te, zingah te, chhunah te ka mangan thu ka sawin ka rum ang a: Tichuan, anin ka aw a ngaithla ang.

¹⁸Ka chunga mi beina lakah chuan ka nunna hi thlamuang takin a chhanhim ta a: Mi beitute chu an tam si a.

¹⁹Pathian, hmasang chena awm renga chuan, A ngaithla ang a, anmahni a chhang ang, (Selah) Danglamna nei ngai lo, Pathian tih ngai si lote chu.

²⁰Amah nena inremte chungah chuan a kut a lek a: A thuthlung chu a tibawrhbang ta a.

²¹A ka chu hnutetui khal angin a tlawr a, A thinlung erawh chu indona a ni si a: A thute ch hriak aiin a nal a, Nimahsela khandaih pawhi sate a ni si a.

²²I rit phurh chu LALPA chungah nghat la, tichuan anin a tichak ang che; Mi fel chu engtikah mah tiihnghin a phal lo ang.Nimahsela, aw Pathian, nangin anni chu boralna khuarkhurumah chuan i chhuktir ang: Thisen chhuah hmang mite chu an damchhung chanve pawh an dam zo lo ang. Kei erawh chuan nang ka ring ang che.

²³Nimahsela, aw Pathian, nangin anni chu boralna khuarkhurumah chuan i chhuktir ang: Thisen chhuah hmang mite chu an damchhung chanve pawh an dam zo lo ang. Kei erawh chuan nang ka ring ang che.