Read Baibul, Mizo Sam 56 Bible Online

Sam 56 - Baibul, Mizo bible

Sam 56

¹Aw Pathian, mi khawngaih ang che; mihringin mi lem zawh an tum si a: Nilengin mi beiin mi hnehchhiah thin.

²Ka hmelmaten nilengin mi lem zawh an tum a: Chapo taka mi beiotute hi an tam si a:

³Ka hlauh chang apiangin, Nangmah ka ring ang che.

⁴Pathian ka ring a, a thu ka fak ang a: Pathian ka ring a, ka hlau lo ang: Tisa chuan eng nge mi tih theih ang?

⁵Nilengin ka thute an la kawi thin a; An ngaihtuahna zawng zawng chu ka that lohna tur lam hlir a ni.

⁶An inkhawm a, an biru a, Ka hniakte an chhinchhiah thin a, Ka nunna tihbo tuma an nghak thin ang hian.

⁷An sual hremna an pumpelh dawn em ni? Aw Pathian, thinurin mi tin, chu ti tlawm ang che.

⁸Nangin ka vahvaihnate hi i chhinchhiah thin a: Ka mittuite hi i savun pengah chuan thun ang che; I lehkhabuah a chuang hlawm lo'm ni?

⁹Ka koh hun che ngei chuan mi dotute chu an tlanchhia ang: Hei hi ka hria Pathianin mi tan hi.

¹⁰Pathianah chuan a thu ka fak ang a: LALPA-ah chuan a thu ka fak ang.

¹¹Pathian ka ring ,a ka hlau lo ang; Mihringin eng nge mi tiht heih ang?

¹²Aw Pathian, i hneha thutiamte ka nei a: Lawm thu sawi Inthawinatein ka rul ang che.Ka nunna hi thihna lakah i chhanhim si a: Ka kete hi tlu lo turin i chhanhim a ni lo'm ni? Mi nung engah hian Pathian hmaa ka len theihna'n.

¹³Ka nunna hi thihna lakah i chhanhim si a: Ka kete hi tlu lo turin i chhanhim a ni lo'm ni? Mi nung engah hian Pathian hmaa ka len theihna'n.