Read Baibul, Mizo Sam 57 Bible Online

Sam 57 - Baibul, Mizo bible

Sam 57

¹Aw Pathian, mi khawngaih rawh, mi khawngaih rawh; Ka nunna hi nangmahah chuan a tlu lut si a: A ni, i thla hnuai chu ka chuh ang, Vanduainate hi a kian hma loh chuan.

²Pathian Chungnungbera chu ka au vang; Pathian engkim mi tihsaktu chu.

³Mi lem zawh tumtu chuan mi sawichhiat hunah Ani chuan van atangin a rawn tir ang a, mi chhandam ang; (Selah) Pathianin a ngilneihna leh a thutak chu arawn tir chhuak ang.

⁴Ka nunna hi sakeibaknei zingah a awm a; Mihring kang zingah ka awm a, An hate chu fei leh thal ang ani a, An lei lah khandaih rhiam tak ang.

⁵Aw Pathian, nang hchu van khum daih khian chawimawiin lo awm ang che; I ropuina chu leilung zawng zawng chungah hian lo awm rawh se.

⁶Ka ke awhna'n len an phah a; Ka nunna hi a kun ngawih ngawih a: Ka hmaah khuarkhurum an lai a; Anmahni ngei a lai takah an tla ta a.(Selah)

⁷Ka thinlung hi a nghet a ni, aw Pathian, ka thinlung hi a nghet a ni: Hla ka sa ang, a ni, fakna hla ka sa ang.

⁸Ka ropuina, harh rawh; perhkhuang leh tingtangte u, harh rawh u: Kei chu zing takah ka harh ang.

⁹Aw LALPA, mi tin, zingahte lawm thu ka hrilh ang che: Hnam tin zingah nangmah fakin ka zai ang.

¹⁰I ngilneihna hchu van tawng khawpin a nasa si a, I thutak chu van dum tawng khawpin a nasa bawk a.Aw Pathian, nang chu van khum daih khian chawimawiin lo awm ang che: I ropuina chu leilung zawng zawng chungah hian lo awm rawh se.

¹¹Aw Pathian, nang chu van khum daih khian chawimawiin lo awm ang che: I ropuina chu leilung zawng zawng chungah hian lo awm rawh se.