Read Baibul, Mizo Sam 58 Bible Online

Sam 58 - Baibul, Mizo bible

Sam 58

¹Felna thu chu ngawi rengin maw i sawi tak tak? Aw mihring fate u, dik takin maw ro in rel?

²A ni, in thinlungah chuan thil sual tak in ti thin a; Leia in kuta thi rawng taka tih chu in buk thin a.

³Mi suaksualte chu an nu pum chhung atang renga Pathian laka thenin an awm a: An pian veleh dawt thu sawiin an vak bo thin.

⁴An tur chu rul tur ang a ni a: Rulrial bengngawng, a beng hup thin ang chu an ni;

⁵Chu chuan rul dawi at thiamte aw chu a ngaithla thin lo, Eng anga thiam pawhin dawi mah se la.

⁶Aw Pathian, an kaah chuan an hate chu tibal la: Aw LALPA, Sakeibaknei vanglaite ha lian pui puite chu kher chhuak chhuak ang che.

⁷Anni chu tui chak taka luang angin tuiral se la: A thaltea a tinin, sah chhum angin awm zel rawh se.

⁸Kawngkawrawi, tuia ral mai thin ang hi ni se la: A hun loa hmeichhe nau hrin, ni hmel reng reng hmu lo ang hi ni rawh se.

⁹In belte chuan hling thing lum a hriat hma pawhin Ani chuan thawngaleivirin a la bo ang, A hring leh a kang lai pawh.

¹⁰Mi fel chuan phuba lakna chu a hmuhin a lawm ang a: Mi suaksual thisenah chuan a ke chu a sil ang.Chutichuan miten, "Mi fel tan chuan lawmman a lo awm tak tak a: Leiah hian roreltu Pathian a lo awm tak tak a nih hi," an ti ang.

¹¹Chutichuan miten, "Mi fel tan chuan lawmman a lo awm tak tak a: Leiah hian roreltu Pathian a lo awm tak tak a nih hi," an ti ang.