Read Baibul, Mizo Sam 62 Bible Online

Sam 62 - Baibul, Mizo bible

Sam 62

¹Ka nuna hian Pathian chauh a nghak a, Amah atang chuan ka chhandamna a lo chhuak dawn a ni.

²Amah chauh chu ka lungpui leh mi chhandamtu a ni: Ka kulhbing sang ani a; nasa tak chuan ka nghing lo ang.

³Nangni zawng zawngin, tihlum turin, Lung bang awn bei ang leh, pal tlu lek lek bei angin, Eng chen nge mi pakhat hi in bei dawn?

⁴A ropuina atanga namthla tur ngawtin an inrawn a; Dawt sawi hi an lawmzawng tak a ni. An kain mal an sawm a, nimahsela an rilruin anchhia an lawh si thin. (Selah)

⁵Ka nunna, Pathian chauh nghak rawh; Ka beiseina hi ama hnen atanga chhuak ani si a.

⁶Amah chauh chu ka lungpi leh ka chhandamna a ni: Ka kulhbing sang ani a; ka nghing lo ang.

⁷Pathian hnenah ka chhandamna leh ka ropuina a wm a: Ka chakna lungpui leh ka inhumhimna chu Pathianah a awm.

⁸Nangni mipuite u, englai pawhin amah ch ring u la; In thinlung ch ahmaah chuan leihbaw rawh u; Pathian chu kan tan inhumhimna a ni. (Selah)

⁹Mi chi tete hi engmah lo mai an ni, mi chi liante pawh hi dawt mai an ni: Buknaah chuan an kang daih ang a; Engmah lo mai mai ai pawhin an zang zawk a ni.

¹⁰Hnehchhiahna hi ring suh u la; Mi ram hman hi chhuanah neih hek suh u la; Hausaknate a lo pun chuan a chungah in thinlung chu nghat suh u.

¹¹Pathianin vawi khat a sawi a; E! hei hi vawi hnih ka hre ta; Thiltihtheihna hi Pathian ta a ni tih hi:Aw LALPA, ngilneihna hi i ta bawk a ni: Mi tin, an thiltih ang theuhin i rul si thin a.

¹²Aw LALPA, ngilneihna hi i ta bawk a ni: Mi tin, an thiltih ang theuhin i rul si thin a.