Read Baibul, Mizo Sam 68 Bible Online

Sam 68 - Baibul, Mizo bible

Sam 68

¹Pathian chu tho se la, a dote chu tihdarhin awm se la; Amah hawtute pawh chu a hmaah tlanchhe rawh se.

²Mei khu hi len bova a awm angin, anni chu len bo ang che: Khawihnun hi mei luma a tuiral angin, Mi suaksualte chu Pathian hmaah boral rawh se.

³Mi felte erawh chu lawm takin awm se la; Pathian hmaah hlim rawh se: A ni, lawm takin hlim rawh se.

⁴Pathian chawimawiin hla sa u la, a hming fakin zai rawh u; Tawlailira thlalerte kal tlang tura tan chuan lamlian tur chhung pawng u la; A hming chu JAA a ni; a hmaah chuan hlim rawh u.

⁵Pathian a awmna thianghlima awm chu. Pa nei lote pa leh hmeithaite ngaihtuahtu a ni.

⁶Pathian chuan mi malte chu chhungkaw zingahte a teltir thin a: Mi tangho chu a hruai chhuak a, vanneihnaah a hruai lut thin: Helhmangte erawh chu ram rovah an awm thin.

⁷Aw Pathian, i mite hma hruaia i lo chhuah a, Thlalera i kal tlang lai khan, (Selah)

⁸Lei hi a nghing dur dur a, vante pawh khi Pathian hmaah chuan a far a: Sinai tlang meuh pawh saw Pathian hmaah, Israel-ho Pathian hmaah chuan, a nghin dur dur kha,

⁹Aw Pathian, nang chuan ruah tam tak i surtir a, I rochan chu, a chauh lai khan, i tinghet a.

¹⁰I hote chuan chutah chuan awmhmun an khuar a: Aw Pathian, nang chuan i thatnain retheite tan i buatsaih a.

¹¹LALPA'n thu a pe a, Chanchin hriltu hmeichhe tam takin an hril darh a,

¹²Sipaiho lalte chu an tlanchhia a, an tlachhia a: In nghaktunu chuan rallak sum chu a sem a.

¹³Thuro thla tangkaruaa tuam a, A thla hmawr pawh rangkachak eng taka tuamangin Beram huang karahte i mu dawn em ni?

¹⁴Engkimtitheian chutah chuan lalte a tihdarh lai chu, Zalmon tlanga vu sur lai ang a ni.

¹⁵Basan tlang chu Pathian tlang a ni a; Basan tlang chu tlang sang tak a ni.

¹⁶Tlang sang takte u, Pathianin a awmna tura a tlang duh chu Engah nge itsika in melh ni? A ni, LALPA chu chutah chuan kumkhuain a awm reng dawn a sin.

¹⁷Pathian tawlailir chu a sing a sing, a sang a sang tam tak a ni: LALPA chu, Sinai tlanga a awm ang khan, chung zingah chuan hmun thianghlimah a awm ta.

¹⁸Nang chu chung lamah i chho a, i mante chu salah i hruai a; Mihringte zingah thilpekte i dawng a, A ni, helhmangte zingah pawh; LALPA Pathianc hu an hnena a awm theihna'n.

¹⁹Lalpa, kan phur ni tina min phurhsaktu, Min chhandamtu Pathian chu fakin awm rawh se. (Selah)

²⁰Pathian chu kan tan chhanhimtu Pathian a ni; Thihna ata chhuahnate chu Lalpa JEHOVA ta a ni bawk.

²¹Nimahsela Pathianin amah dotute lu chu a sat phel phawk ang, A thiam lohnaa la kal zela lu vun sam buk tak chu.

²²Lalpa'n, "Basan ram atangin ka hruai leh ang a, Tuifinriat mawng thuk tak ata ch ka hruai leh ang,

²³I ke chu thisena i hnim theih a, I ui leite chuan i dote laka chan a neih theih nan," a ti a.

²⁴Aw Pathian, i kal laite an hmu a, Ka Pathian ka Lalber hmun thianghlima kal laite chu.

²⁵Nula khuangte bengho laiah chuan, Hla satute an kal hmasa a, englo tumtute chuan an zui a.

²⁶Inkhawmnaahte hian Pathian fak u la, Israela tuihnaa chhuakte u, LALPA chu fak rawh u.

²⁷Fa tlum Benjamin-hoin hma hruaiin Juda-ho mi liante leh an upahote, Jebulun-ho mi liante, Naphtali-ho mi lianten an zui a.

²⁸I Pathian chuan i thiltihtheihna chu thu a pe a: Aw Pathian, kan tan thil min tihsak chu tichak ang che.

²⁹Jerusalem-a i biak in avangin Lalhoin lawmmante an la rawn kensak ang che.

³⁰Sakawlh phairuang zinga cheng chu zilh la, Hnamdang, bawngchal leh bawng no rualte chu zilh la, Kuna an tangkate i hmaa na hlan hma chu; Indo chak mite chu tidarh rawh.

³¹Aigupta ram atangin mi liante an lo chhuak ang a; Ethiopia-ho chu an kut Pathian lama phar turin an hmanhmawh ang.

³²Leilung ramte u, Pathian chawimawiin hla sa u la; Aw, LALPA fakin zai rawh u; (Selah)

³³Vante van hmasanga awmte chunga chuanga chu; Ngai teh, a aw a chhuah e, aw nasa tak mai chu.

³⁴Pathian hnenah chuan chakna pe rawh u: A ropuina chu Israel-ho chungah a awm a, A chakna chu van dumahte khian a awmAw Pathian i hmun thianghlim atangte chuan i hlauhawm a ni: Amah Israel-ho Pathian ngei chuan a mite hnenah chakna leh thiltihtheihna a pe thin a ni. Pathian chu fakin awm rawh se.

³⁵Aw Pathian i hmun thianghlim atangte chuan i hlauhawm a ni: Amah Israel-ho Pathian ngei chuan a mite hnenah chakna leh thiltihtheihna a pe thin a ni. Pathian chu fakin awm rawh se.