Read Baibul, Mizo Sam 69 Bible Online

Sam 69 - Baibul, Mizo bible

Sam 69

¹Aw Pathian, mi chhandam chang che; Tuite chu ka nuna thleng hian a lut ta si a.

²Chirhdup thuk tak, rahchhan reng reng awm lohnaah, ka pil tual tual hi: Tui thuk tak, tui lian mi chimpilnaahte, ka lo luh tak hi.

³Ka auna lamah ka chau a; ka dang a ro zo va: Ka Pathian ka nghahnaah hian ka mit a vai zo ta a.

⁴Enga khawlawi loa mi hawtute chu ka samzai aiin an tam a: Dik lo taka mi dova mi tihboral tumte chu mi chak tak an ni: Ka lak si loh pawh mi rulhtir a.

⁵Aw Pathian, nang chuan ka atzia hi i hria a; Ka thiam lohnate pawh hi i lakah thup ani lo.

⁶Aw LALPA, sipaihote PATHIAN, nangmah nghaktute chu keimah avangin mualpho suh sela: Aw Israel-ho Pathian, nangmah zawngtue chu keimah avangin tihzahin awm suh se.

⁷Nangmah avanga sawi chiat ka tuar avangin, Zahnain ka hmai a khuh zo ta.

⁸Ka unaute lakah mikhual ka lo ni ta a, Ka nu fanaute lakah hriat ngai loh mi ka lo ni ta.

⁹I ina ka thahnemngaihnain mi ei zo a; Nangmah sawichhetute sawi chhiatnate chu ka chungah atla ta.

¹⁰Ka tah a, chaw nghei chunga ka nunna ka thunun leh, Chu chu mi sawichhiatna a lo ni a.

¹¹Ka silhfena saiip ka hman leh, An tan chhe lama tehkhinna ka lo ni zel a.

¹²Kulh kawngkaa thute chuan ka chungchang thu an sawi a; Zu ruih hmangte hla ka nih hi.

¹³Nimahsela, aw LALPA, kei zawngin hun lawmawmah i hnenah a ni, ka tawngtai ni: Aw Pathian, i ngilneihna nasa tak avangin I chhandamna thutakin mi chhang ang che.

¹⁴Chirhdup ata hi mi chhanhim la, mi piltir lul suhang che4L Mi hawtute lakah leh tui thuk tak ata hi chhanhimin mi awmtir ang che.

¹⁵Tui lianin mi chim pil suh se la, Tui thuk takin mi lem hek suh se; Khuarkhurum pawhin a ka mi chip hnan suh se.

¹⁶Aw LALPA, mi chhang ang che; i ngilneihna chu a tha si a: I lainatna nasatzia ang zelin ka lam hi lo hawi ang che.

¹⁷I chhiahhlawh lakah hian i hmai pawh thup suh ang che; Ka mangang si a; mi chhang thuai ang che.

¹⁸Ka nuna hi rawn hnaih in, tlan la: Mi dotute avang hian mi chhanhim ang che.

¹⁹Nangin mi mi sawichhiatna te, ka mualphona te, ka zahnate hi i hria e: Mi dotute chu i hmaah an awm vek a ni.

²⁰Mi mi sawi chhiatna hian ka lung a tichhia a; nasa takin ka lungngai bawk a: Tichuan mi khawngaihtu tur ka zawng , nimahsela tumah an awm si lo a; Mi thlamuantu turte ka zawng bawk a, nimahsela tumah ka hmu si lo.

²¹Ka chaw atan englo kha mi pe leh nghal a; Ka tuihal lahin uain thur inah mi pe a.

²²An hmaa an dawhkan chu thang lo ni se la; Thlamuang taka an awm laiin fal lo ni rawh se.

²³An mitte chu, an hmuh theih lohna'n, tihthimin awm rawh se; An kawngte chu tikhur fo ang che.

²⁴I lungnih loh em emna chu an chungah leihbua la, I thinur thinrimna chuan anni chu man rawh se.

²⁵An awmna chu lo ram se la; An puan inahte chuan tumah awm suh se.

²⁶I vuaka chu an tiduhdah a, I hliamate lungngaihzia chu an saiw si thin a.

²⁷An khawlohna chu khawlohnain belhchhah la: Anni chu i felnaah chuan lut suh se.

²⁸Anni chu nunna bu ata thai boin awm se la, Mi felte zingah chuan ziak ni ve suh se.

²⁹Nimahsela kei chu rethei tak leh lungngai tak ka ni a: Aw Pathian, i chhandamna chan hmun sangah mi dah rawh se.

³⁰Pathian hming chu hlain ka fak ang a, Lawm thu sawiin amah chu ka chawimawi ang.

³¹Chutiang chuan bawngchal emaw ki leh tin, nei bawngpa emaw ai chuan, LALPA a tilawm zawk ang.

³²Thuhnuairawlhte chuan chu chu an hmu a, an lawm a: Nangni Pathian zawngte u, in thinlung chu nungin awm rawh se.

³³LALPA'n pachhiate chu ngaithlain, A mi tangte chu a hmusit si lo a.

³⁴Lei leh van chuan amah chu fak rawh se, Tuifinriatte leh an chhunga thil che thei tawh phawtte nen.

³⁵Pathianin Zion chu chhan chhuakin, Juda khuate ch a din dawn si a; Tichuan chutah chuan an awm ang a, an nei nghal ang.A chhiahhlawhho thlahte pawh chuan an rochung ang a; A hming ngainatute chu a chhungah an awm ang.

³⁶A chhiahhlawhho thlahte pawh chuan an rochung ang a; A hming ngainatute chu a chhungah an awm ang.