Read Baibul, Mizo Sam 7 Bible Online

Sam 7 - Baibul, Mizo bible

Sam 7

¹Aw LALPA ka Pathian, nangmahah ka rina ka nghat a: Mi umtute zawng zawng lakah hian mi chhandamin mi chhanhim ang che:

²Chutichuan, chhanhimtu awm loin, sakeibaknei angin, Ka nunna hi pawt sawmin, a sawisa dah ang e.

³Aw LALPA ka Pathian, hetiang ti ka lo nih a, Ka kuta sualna lo awm a nih a,

⁴Ka thian chu sualnaa thungrul ka lo nih chuan, (A ni, enga khawlai loa mi dotu hi ka chhanhim zawk a ni;)

⁵Dotu hian ka nunna hi umin, umphak mai rawh se; A ni, kan nun hi leiah chil thluin, Ka ropuina hi vaivut zingah dah mai rawh se. (Selah)

⁶Aw LALPA, thinurin tho la, Mi dotute thinrimna doin thawk la: Ka tan intiharh rawh; dikna i phut si a.

⁷Tichuan mi tin inkhawmho chuan hual vel che rawh se. Tin, nang chu an chungah chung lamah chuan kir leh ang che.

⁸LALPA'n mi tin, ro a rel thin: Aw LALPA, keimaha ka felna leh ka rilru thatna awm ang zel hian ro mi rel ang che:

⁹Aw, mi suaksualte suahsualna chu lo tawp tawh se la, mi felte erawh chu tinghet ang che: Pathian fel tak chuan thinlungte leh rilrute a fiah thin si a.

¹⁰Ka phaw chu Pathian hnenah a awm, Amah chu thinlung dik tak pu chhandamtu a ni.

¹¹Pathian chu roreltu fel tak a ni, A ni, ni tin, mi sualte chunga lungnihlohna nei Pathian a ni.

¹²Mi a hawikir loh zawngin ani chuan a khandaih a tat hriam ang; A thal ngul chu a kuai a, a peih ta.

¹³Thihna hriamhreite chu amah thahna'n a siam ta diam bawk a; A thalte chu alh theiin a siam a.

¹⁴En teh, sualna a vei a; A ni, thil tihsualna a pai a, dawt thu a hring ta a.

¹⁵Khuarkhurum a siam a, thuk takin a lai a, Ama hum siamah chuan a tla ta a.

¹⁶A thil tihsualna chu ama lu chung ngeiah a lo kir leh ang a, Rawng taka a thiltih chu ama chhip ngeiah a tla ang.LALPA chu, a felna avang hian, a hnenah lawm thu ka sawi ang a: LALPA Chungnungbera hming fakin ka zai bawk ang.

¹⁷LALPA chu, a felna avang hian, a hnenah lawm thu ka sawi ang a: LALPA Chungnungbera hming fakin ka zai bawk ang.