Read Baibul, Mizo Sam 71 Bible Online

Sam 71 - Baibul, Mizo bible

Sam 71

¹Aw LALPA, nangmahah chuan ka rinna ka ngaht thin a: Engtikah mah mualphoin mi awmtir suh ang che.

²I felna avanga mi chhanhimin, mi chhan chhuak la: Ka lamah hian i beng rawn dawhin, mi chhandam ang che.

³Ka tan awmna lungpui, ka kal theih fona tur, lo ni ang che: Nangin mi chhandam turin thu i pe a; Ka lungpui leh ka kulhpui i ni si a.

⁴Aw ka Pathian, mi suaksual kut ata mi chhan chhuak ang che, Mi fel lo leh nunchhe tak kut ata chu.

⁵Aw Lalpa PATHIAN, nang chu ka beiseia chu i ni si a: Ka naupan tet ata ka rina chu i ni.

⁶Ka nu pum atang rengin nangma kaihin ka awm thin a: Ka nu ril ata mi la chhuaktu i ni a; Nangmah a ni, ka fak fo dawn che ni.

⁷Mi tam tak ngaihin thilmak ang ka ni a; Nimahsela nang chu ka inhumhimna nghet tak i ni.

⁸Ka ka hi i faknain a khat ang a, Nilengin i chawimawinain a khat bawk ang.

⁹Ka tar hunin mi paihthla suh la; Ka tha thum hunin mi kalsan suh ang che.

¹⁰Mi dotute chuan ka chungchang thu an sawi si a; Ka nuna changtue an inrawn bawk a,

¹¹Pathianin a kalsan ta: Um u la, man rawh u; chhanhimtu tur reng an awm si lo," tiin.

¹²Aw Pathian, mi hlat lul suh la: Aw ka Pathian, mi tanpui turin hmanhmawh ang che.

¹³Ka nunna dotue chu mualpho leh boralin awm se la; Ka chhiatna tur zawngtute chu sawichhiatna leh zahnaa khuhin awm rawh se.

¹⁴Nimahsela kei zawngin ka beisei fo ang a, Ka la fak zual deuh deuh ang che.

¹⁵Ka ka hian i felna thu a hril ang a, Nilengin i chhandamna thu a hril bawk ang; A tam chin ka hre si lo.

¹⁶Lalpa PATHIAN thiltih ropui takte nen ka lo kal a: I felna, nangma felna thu chauh ka saiw ang.

¹⁷Aw Pathian, ka naupan tet ata chu nangin mi zirtir a; Tun thlengin i thilmak tiht chu ka hriattir thin.

¹⁸A ni, aw Pathian, ka tara ka lu tuah hnu pawhin mi kalsan lul suh ang che; I chakna hi thangthar leht hnenah leh, I thiltihtheihna hi lo la awm tur apiangte hnena ka hriattir hma loh zawng.

¹⁹Aw Pathian, i felna pawh a sang em em a ni; Aw Pathian, nang thil ropi takte titu, Nangmah ang hi tu nge awm?

²⁰Nang, manganna tam tak leh nasa tak min hmuhtirtu chuan Mi tinung leh ang a, Leu thuk tak ata min hruai chhuak leh ang.

²¹Nangin ka ropuina mi tihpunsak la, Lo hawi lehin mi thlamuan ang che,

²²Perhkhuangin ka fak bawk ang che, Aw ka Pathian, i thutak ngei chu ka fak ang. Aw nang Israel-ho Mi Thianghlim, Tingtang nen nangmah fakin ka zai ang.

²³Nangmah faka ka zai hunin ka hmui hi a hlim em em ang a; Ka nunna i tlan pawh hi a hlim em em ang.Ka lei pawh hian nilengin i felna thu a sawi ang: Ka chhiatna tur chu an mualphoin an zak ta si a.

²⁴Ka lei pawh hian nilengin i felna thu a sawi ang: Ka chhiatna tur chu an mualphoin an zak ta si a.