Read Baibul, Mizo Sam 72 Bible Online

Sam 72 - Baibul, Mizo bible

Sam 72

¹Aw Pathian, i rorelnate chu lal pe la, I felna chu lal fapa pe ang che.

²I mite chu felnain ro a relsak ang a, I mi retheite chu rorelna felin ro a relsak ang.

³Tlang lian leh tlang tete hian felnain Mite hnenah thlamuanna an rawn thlen ang.

⁴Ani chuan mi zinga retheite chu ro a relsak ang a, Pachhe fate chu a chhandam ang a, Hnehchiahtu erawh chu a tisawm ang.

⁵Ni khi a awm chhung chuan an hlau vang che, Thla awm chhung zawng pawhin, chhuan awm chhung chuan an hlau vang che,

⁶Ani chu hlobet rawt chunga ruah angin a tla ang a: Lei chawmtu ruahtui ang maiin.

⁷A dam lai chuan mi felte chu an duah hluah hluah ang a, Thlamuanna nasa tak chu a duah hluah hluah bawk ang, thla awm loh hma loh chuan.

⁸Ani chuan tuifinriat atanga tuifinriat dang thleng pawhin thu a nei bawk ang, Luipui atanga kawlkil thleng pawhin.

⁹Thlalera awmte chu a hmaah an kun ang a; Amah dotute pawh chuan vaivut an liak ang.

¹⁰Tarsis ram leh thliarkara lalten lawmman an rawn keng ang a: Sheba leh Seba ram lalten thilpekte an rawn hlan ang.

¹¹A ni, lal zawng zawng chu a hmaah an bawkkhup ang a: Hnam tinrengin a rawn an bawl ang.

¹²Pachhiain a auhin ani chuan a chhanhim ang a, Mi rethei, tanpuitu nei lo pawh chu, a chhanhim ang a.

¹³Mi rethei leh pachhiate chu a khawngaih ang a, Pachhiate nunna chu a chhandam ang.

¹⁴An nunna chu hnehchhiahna leh nunrawnna lak ata a tlan ang a, An thisen chuani ngaih chuan hlu tak ani dawn si a.

¹⁵Tin, an nung ang a: Sheba ram rangkachak chu amah pek ani ang a; Miten ani chu an tawngtaisak fo ang a; Nilengin mal an sawmsak ang.

¹⁶Leiah, tlang chungahte hian, buh tam tak a awm ang a; A vui chu Lebanon angin a nghing suau suau ang a, Khuaa mite chu lei hlobet angin an duah hluah hluah ang.

¹⁷A hming chu kumkhuain a dai lo ang a: A hming chu ni a awm chhung chuan dai loin a awm zel ang a: Mite ch amahah chan malsawmin an awm ang a; Hnam tinrengin amah chu nihlawh an ti ang.

¹⁸LALPA Pathian, Israel-hoi pathian chu fakin awm rawh se, Amah chauh hian thilmak a ti thin a:

¹⁹A hming ropui tak hi kumkhuain fakin awm bawk se la; Lei pum pui pawh hi a ropuinaa tihkhahin awm rawh se. Amen, Amen.Jesaia fapa Davida tawngtainate chu a tawp ta.

²⁰Jesaia fapa Davida tawngtainate chu a tawp ta.