Read Baibul, Mizo Sam 73 Bible Online

Sam 73 - Baibul, Mizo bible

Sam 73

¹Pathian chu Israel-ho chungah a lo tha ngei mai, Thinlunga thianghlime chungah chuan.

²Nimahsela kei zawngin ka rap pelh thelh thelh a; Ka ke pente hi a tlei lek lek a ni.

³Mi suaksuate vanneihzia ka hmuhin, Mi uangthuangte chu ka awt si a.

⁴An thih lai chuan tuarna reng an nei lo a; An chakna chu a nghet zawk mah si a.

⁵Mi dang anga hreawmin an awm lo a; Mi dang anga sawisakin an awm hek lo.

⁶Chuvangin chapona chuan khaidiat angin an nghawng a vel a; Nunrawnna chuan silhfen angin a tuam a.

⁷Thau avangin an mit a pawng a: Thinlunga thu duhsam aia nasa an nei a.

⁸An nuihsan a, sual takin hnehchhiahna thu an sawi a: Chapo takin an tawng thin a.

⁹An ka chu vanahte khian an dah a, An lei chuan leilung hi a fang tlang thin a.

¹⁰Chuvangin amite chu chutah chuan an kri leh a, Tui nova khat chu anmahni in fai kelhin a awm a.

¹¹Pathianin engtin nge a hriat ang? Chungnungberan a hre chhuak ang em ni?" an ti a.

¹²En teh, hengho hi mi suaksualte an nih hi; Nuamsa aka awm foin an hausa deuh deuh thin.

¹³Athlawn maiin a ni, ka thinlung hi ka tihfai a, Ka kutte sawiselbonaa ka sil ni.

¹⁴Nilengin sawisakin ka awm a, Tuk tin, zilhhauin ka awm si a.

¹⁵Chutiangin ka sawi ang," lo ti ta i la; Ngai teh, i fateho chhuan chungah vervek taka ti ka lo ni ang.

¹⁶Chu chu ka hriat theihna turizia ka ngaihtuahin, Ka tan ahar lutuk a ni;

¹⁷Pathian hmun thianghlimah ka luh a, An tawpna tur chu ka ngaihtuah hma chuan.

¹⁸Anni chu hmun nal takahte i dah ngei a: Chhiatnaahte i paihthla thin a.

¹⁹Engtizia nge mitkhapkar chauha an tiau tak ni aw! Thil rapthlak taktea tihboral daihin an awm ta a nih hi.

²⁰Miin men hnua mumang an ngeinep angin, Aw LALPA i harh hunin anmahni lem pawh chu i ngainep ang.

²¹Ka thinlung hi a lungngai a, Ka rilruah pawh chhun angin ka awm si a:

²²Mi mawl leh engmah hre lo ka ni a, I lakah chuan sa ang mai ka nih hial thin kha.

²³Nimahsela i hnenah ka awm fo a: Ka kut ding lam hi i lo chelh thin a.

²⁴Nangin i remruatnain mi hruai ang a, Chu mi hnuah chuan ropuinaah khian mi lawm ang.

²⁵Vanah khian nang lo chu tu nge ka neih? Leiah pawh hian nang lo chu ka duh tumah an awm lo.

²⁶Ka tisa leh ka thinlung hi a chau ta a: Nimahsela Pathian chu kumkhuaa ka thinlung chakna tur leh ka chanvo tur a ni.

²⁷Ngai teh, nangmah hlata awmte chu an boral dawn si a: A uiresantu apiang che chu i tiboral ta a.Kei atan erawh zawng Pathian hnaih hi a tha a ni: Lalpa PATHIAN chu ka inhumhinaah ka hmang a, A hnathawh zawng zawng thu chu ka hrilh theihna'n.

²⁸Kei atan erawh zawng Pathian hnaih hi a tha a ni: Lalpa PATHIAN chu ka inhumhinaah ka hmang a, A hnathawh zawng zawng thu chu ka hrilh theihna'n.