Read Baibul, Mizo Sam 77 Bible Online

Sam 77 - Baibul, Mizo bible

Sam 77

¹Ka awin Pathian chu ka au vang a; Ka awin Pathian ngei chu ka au vang a, ani chuan ka lamah beng a lo chhi ang.

²Ka mangan ni chuan Lalpa ka zawng a: Ka kut hi zanah pawh la thla loin ka phar reng a; Ka nuna hian thlamuan a duh lo.

³Pathian ka hre reng a, ka buai thin: Ka ngaihtuah a, ka thlarau hi a chau thin. (Selah)

⁴Ka mitte hi i chelh meng reng thin a: tawng thei lo khawpin ka mangang thin.

⁵Hmasang nite ka ngaihtuah a, Hman lai kumte chu.

⁶Zanah ka ngaihtuah neuh neuh a, Ka dawn vel a, ka inzawt thin a; Ka thlarau pawhin thahnemngai takin a zawng a.

⁷Lalpa chuan kumkhuain a thlauhthla dawn em ni aw? Engtikah mah a lawm dawn tawh lo em ni aw?

⁸A ngilneihna chu a bo hlen kumkhua dawn em ni aw? A thutiam chu chhuan zawng zawng thlengin a bo dawn em ni aw?

⁹Pathian chuan khawngaih a theih nghilh em ni aw? Thinurin a lainatnate chu a khar ta em ni aw? (Selah)

¹⁰Tin, "Chu chu ka chak lohna avang a ni; Nimahsela Chungnungbera kut dinglam kumte kha ka hre reng ang e.

¹¹LALPA thiltih thute kha ka sawi ang a; Hmasanga i thilmak tihte kha ka hre reng ang e.

¹²I hnathawh zawng zawng kha ka ka ngaihtuah bawk ang a, I thiltihte pawh kha ka chhut ang e," ka ti a.

¹³Aw Pathian, i kawng chu hmun thianghlimah a awm a: Kan Pathian ang hi pathian ropui tu nge awm?

¹⁴Nang chu thilmak ti thintu Pathian chu i ni a: Mi tin, zingahte chuan i chakzia i hriattir thin.

¹⁵I banin i mite chhan chhuak a, Jakobha leh Josefa fate chu. (Selah)

¹⁶Aw Pathian, tuite chuan an hmu hia; Tuite chuan an hmu chia, an hlau a; Tui thuk takte chu an khur bawk a.

¹⁷Chhumte khian tui an leihbua a; Vante khian aw an chhuah a: I thalte pawh a phe zawk zawk a,

¹⁸I khawpui ri thawm chu thawnga leivirah a awm a; Kawlphete chuan khawvel hi a en zawk zawk a: Lei hi khurin a nghing dur dur a.

¹⁹I kawng chu tuifinriatah a awm a, I kalkawngte chu tui zau takah a awm a, I hniakte pawh hmuh theih ani lo.Mosia leh Arona kutin I mite chu beram rual angin i hruai thin a.

²⁰Mosia leh Arona kutin I mite chu beram rual angin i hruai thin a.