Read Baibul, Mizo Sam 79 Bible Online

Sam 79 - Baibul, Mizo bible

Sam 79

¹Aw Pathian, hnam tin i rochanah hian an lut a: I biak in thianghlim hi an tibawlhhlawh a; Jerusalem hi lung chim khawmah an siam ta thluah a.

²I chhiahhlahte ruang chu chungleng savate chawah an pe a, I mi thianghlimte sa chu ram sate an pe a.

³An thisen chu Jerusalem velah hian tui angin an leihbua a; Anmahni phumtu tur lah tumah an awm si lo.

⁴Kan vela mite sawichhiatin kan lo awm a, Kan dep vela mite hmusit leh nuihsanin kan lo awm ta a.

⁵Aw LALPA, i thinur kumkhua dawn em ni? I thikna chu mei angin a alh dawn em ni?

⁶Nangmah hre lo hnam tin chungah hian i thinur chu leihbua ang che, I hming lam lo ram chungahte pawh.

⁷Jakob-ho chu an ei zo a, An awmna chu an tiram ta si a.

⁸Min thlahtute khawlohnate kha kan lakah chuan hre reng suh ang che: I lainatnate chuan min hmuak thuai rawh se: Nasa taka tihhniamin kan awm ta si a.

⁹Aw min chhandamtu Pathian, i hming ropuina'n min tanpui la: I hming avngin min chhanhim la, kan sualte hi thleng fai ang che.

¹⁰Engti nge hnam tinin, "Khawiah nge an Pathian kha le?" an tih ni? I chhiahhlawhte thisen chhuak phuba lakna chu Kan mithmuhah hnam tin zingah hian hriat ni rawh se.

¹¹Mi tang rum chu i hmaah thleng rawh se; I thiltihtheihna nasat avangin thi tura ruatte chu humhim la;

¹²Aw LALPA, nangmah an sawichhiatna che kha, Kan vela mite an angchhungah a leh sarihin rul leh ang che.Chutichuan, keini i mite, i ran tlatna hmuna beramte hian, Kumkhuain lawm thu kan hrilh ang chia: Chhuan zawng zawng thlengin nangmah fakna chu kan hriattir zel ang.

¹³Chutichuan, keini i mite, i ran tlatna hmuna beramte hian, Kumkhuain lawm thu kan hrilh ang chia: Chhuan zawng zawng thlengin nangmah fakna chu kan hriattir zel ang.