Read Baibul, Mizo Sam 85 Bible Online

Sam 85 - Baibul, Mizo bible

Sam 85

¹LALPA, iram chungah hian i lawm a: Jakob-ho sala an awm chu i hruai kir leh ta a.

²I mite khawlohnanate i ngaidam a, An sualna zawng zawng i khuh zo ta a.

³I thinrimna zawng zawng chu i la bo a; I thinurna nasa tak chu i hawisan ta a.

⁴Aw min chhandamtu Pathian, min hawi kirtir la, Kan chunga i thinurna chu tibang ang che,

⁵Kan chungah i thinurn kumkhua dawn em ni le? I thinur chu chhuan zawng zawng thlengin i lantir zel dawn em ni?

⁶Nangmahah chuan i mite an hlim theihna'n Min tiharh leh dawn lo'm ni?

⁷Aw LALPA, i ngilneihna chu min hmuhtir la, I chhandamna chu min pe bawk ang che.

⁸Pathian LALPA thu sawi tur chu ka ngaithla ang: A mite leh a mi thianghlimte hnenah thlamuanna thu a sawi dawn si a: Nimahsela anni chu atna lamah hawi leh tawh su h se.

⁹A chhandamna chu amah tihtute hnaihah chan a awm ngei ngei thin a ni; Kan ramah hian ropuina a awm theihna'n.

¹⁰Ngilneihna leh thutak an intawk a; Felna leh remna an infawp a.

¹¹Thutak chu lei atangin a chawr chhuak a; Felna chuan van atangin a rawn en chhuk ta a.

¹²A ni, LALPA chuan thil tha a pe ang a; Kan ram hian a thil to chu a pe bawk ang.Felna chuan a hma a hruai ang a, A hniakte chu kawngah a siam ang.

¹³Felna chuan a hma a hruai ang a, A hniakte chu kawngah a siam ang.