Read Baibul, Mizo Sam 88 Bible Online

Sam 88 - Baibul, Mizo bible

Sam 88

¹Aw LALPA, mi chhandamtu Pathian, Achhun azanin i hmaah ka au thin a;

²Ka tawngtaina hi hmaah lut se la; Ka au thawmah hian i beng rawn dawh ang che:

³Ka nunna hi mangannatein a khat a, Ka nun hi Seol chu a rawn hnaih ta si a.

⁴Khuarkhuruma chhkte zinga chhiar tel ka ni a; Chakna reng reng nei lo mi ang ka ni:

⁵Ral thahho thlana mute anga Mitthi zinga paih thlak ka ni; Chungte chu i hriat tawh loh, I kut ata tihboral an ni.

⁶Khuarkhurum hnuaihnung berah mi muttir ta a, Hmun thm tak, thuk takahte chuan.

⁷I thinrimna chuan mi delh tlat a. Nangin i tuifawn zawng zawngin mi tihreawm ta a. (Selah)

⁸Ka hmelhriatte chu mi hlatah i awmtir a; An tana tenawm takah mi siam ta a: Kharkhipin ka awm a, ka chhuak thei lo a ni.

⁹Hrehawmna avangin ka mit a chhe telh telh a: Aw LALPA, ni tin, ka ko chia, I lamah ka kutte ka phar a.

¹⁰Mitthite tan chuan thilmak i ti dawn em ni? Thi tawhte chuan thoin an fak dawn che em ni? (Selah)

¹¹I ngilneihzia chu thlanah hriattirin, I rinawmzia chu Boralna hmunah hriattirin a awm dawn em ni?

¹²I thilmak tihte chu thimah hriatin a awm dawn em ni? I felna chu theihnghilhna ramah hriatin a awm bawk dawn em ni?

¹³Aw LALPA, kei erawh chuan ka au chia, Ka tawngtaina chuan zingah a hmuak ang che.

¹⁴LALPA, engati nge ka nuna hi i thlauhthlak le? Engati nge ka lakah i hmai i thup ni?

¹⁵Ka naupan tet ata hrehawm tuar leh thi lek lekin ka awm thin a; I thil rapthlak takte ka tuarin ka thauvah mi man thin.

¹⁶I thinrim nasa tak chuan mi vur pil a; I thil rapthlak takte chuan mi tiboral ta a.

¹⁷Chung chuang nilengin tui angin mi vel a; Mi hual vel hlawm a.Mi hmangaihtu leh ka thian chu mi hlatah i awmtir ta a, Ka hmelhriatte ch thimah i awmtir ta bawk a.

¹⁸Mi hmangaihtu leh ka thian chu mi hlatah i awmtir ta a, Ka hmelhriatte ch thimah i awmtir ta bawk a.