Read Baibul, Mizo Sam 89 Bible Online

Sam 89 - Baibul, Mizo bible

Sam 89

¹LALPA ngilneihna thute chu kumkhuain hlaah ka sa ang a: Ka kain i rinawmzia chu chhuan zawng zawng thlengin ka hriattir ang,

²Ngilneihna chu kumkhua atan rem chhohin a awm ang a; I rinawmna chu vanahte ngei khian i tinghet ang," ka ti ta a ni.

³Ka mi thlan hnenah chuan thu ka thlung a, Ka chhiahhlawh Davida hnenah chhia ka chham ta a;

⁴I thlahte chu kumkhua atan ka tinghet ang a, I lalthutphah pawh chhuan zawng zawng thlengin ka rem chho ang," tiin (Selah)

⁵Aw LALPA, vante khian i thilmak tih hi an fak ang a; Mi thianghlimte inkhawmnaah khian i rinawmna hi an fak bawk ang.

⁶Van dumahte khian LALPA nena tehkhin theih tu nge awm ni? Mi thiltithei tak fate zingah khian LALPA ang,

⁷Mi thianghlimte inrawn khawmnaah Pathian hlauhawm tak, A kiang vela mi zawng zawng aiai tih ber tur chu, tu nge awm ni?

⁸Aw LALPA sipaihote Pathian, Aw JAA, nang anga mi chak tu nge awm? I rinawmna chu i velah a awm si a.

⁹Nang chuan tuifinriat chapona chungah ro i rel thin a: A tuifawn invawrh laite chu i tireh thin.

¹⁰Nang chuan Rahab chu ral thah angin i tikeh sawm a; Nangmah dotute chu i ban tha chakin i tidarh ta a.

¹¹Vante khi nangma ta ani a, lei pawh hi nangma ta a ni: Khawvel leh a chhunga thil awm zawng zawng hi nangma din a ni.

¹²Chhim leh hmar chu nangma siam ani a: Tabor leh Hermon chu i hming avangin hlimin an zai thin.

¹³Nang chuan ban thiltithei tak i nei a: I kut chu a chak a, i kut dinglam chu chawimawiin a awm a.

¹⁴Felna leh rorelna fel chu i lalthutphah nghahchahn ani a: Ngilneihna leh thutak chu i hmaah an kal thin.

¹⁵Thawm hlimawm hre thin hnam chu an eng a thawl e: Aw LALPA, anni chu i hmel engah an awm thin.

¹⁶I hming avangin nilengin an hlim thin a: I felna avangin chawimawiin an awm thin

¹⁷Nang chu an chakna ropuina i ni si a" I duhsakna avangin kan ki hi chawimawiin an awm thin

¹⁸Kan phaw hi LALPA ta ani si a; Kan lal hi Israel-ho Mi Thianghlim ta a ni.

¹⁹Chu mi lai chuan i mi thianghlimte hnenah inlarnaah thu i sawi a, Mi pakhat chak tak chungah chuan tanpuina ka nghat a; Mi pakhat, mie zinga thlan chhuah chu ka chawimawi ta a.

²⁰Ka chhiahhlawh Davida chu ka chhar a; Ka hriak thianghlim chuan amah chu ka thih ta a:

²¹Ka kut hi a hnenah tihnghehin a awm ang a; Ka ban hian ani chu a tichak ang.

²²hmelma chuan a ngam lo ang a; Mi sual chuan a tlawm hek lo ang,

²³Amah dotute chu ahmaah ka vaw thlu ang a, Amah hawtute chu ka sawisa ang.

²⁴Ani hnenah erawh chuan ka rinawmna leh ka ngilneihna chu a awm ang a; Ka hming avangin a ki chu chawimawiin a awm bawk ang.

²⁵A kut chu tuifinriatah chuan ka nghahtir ang a, A kut ding lam chu luipuiahte chuan.

²⁶Ani chuan, 'Nang chu ka pa, Ka Pathian, ka inchhandamna lungpui i ni,' tiin, mi au vang,

²⁷Tin, keiin ani chu fatirah ka siam ang a, Leia lalte zingah chngnungberah ka siam ang,

²⁸Ka ngilneihna chu kumkhuain a tan ka vawn thatsak ang a, Ka thuthlun chu a hnenah a awm nghet ang.

²⁹A chi thlahte chu kumkhuain ka awmtir ang a, A lalthutphah ch van awm chhung ni chenin ka awmtir bawk ang.

³⁰A fate chuan ka dan hi an hawisan a, Ka rorelnate anga an awm loh a,

³¹Ka thuruat an bawhchiat a, Ka thupekte an vawn that loh chuan,

³²An bawhchhiatnate chu tiangin ka rawn kan ang a, An khawlohnate chu vuakin ka rawn kan ang.

³³Nimahsela, ka ngilneihna chu a hnen ata ka laksak vek lo ang a, Ka rinawmna chu data chan ka phal hek lo ang.

³⁴Ka thuthlung chu ka bawhchhe lo ang a, Ka hmuia thu chhuak chu ka tidanglam hek lo ang.

³⁵Vawi khat ka thianghlimna chhalin chhia ka chham a; Davida hnenah dawt ka saiw lo ang;

³⁶A chi thlahte chu kumkhuain an awm ang a, A lalthutphah chu ka hmaah ni angin a awm bawk ang.

³⁷Thla angin kumkhua aan tihnghehin a awm ang a, Van duma hretu rinawm ang khian," i ti a. (Selah)

³⁸Nimahsela nang chuan i thlauthlain i duh lo a, I hriak thiha chungah chuan i thin a rim ta a.

³⁹I chhiahhlawh thuthlun chu i ten a: A lallukhum chu leia paih thla hialin i titlawm ta a.

⁴⁰A dai zawng zawng chu i titlu a; A kulhbingte chu i tichhe ta a.

⁴¹Kawngka kal apiangin a thil an laksak thin a: A vela mite sawi chhiatin a lo awm ta a.

⁴²Amah dotue kut ding lam chu i chawimawi a; A hmelma zawng zawngte chu i tihlim ta a.

⁴³A ni, a khandaih hma chu i beng per a, Ani chu inbeihnaah chuan i din nghehtir ta lo a.

⁴⁴A enna chu i tihrehsak a, A lalthuphah chu leiah i paih thla ta a.

⁴⁵A tlangval lai nite chu i tihtawisak a; Ani chu mualphonain i khuh ta si a. (Selah)

⁴⁶Aw LALPA, i biru kumkhua dawn em ni? Eng chen nge i thinrim chu mei anga a alh dawn le?

⁴⁷Aw, ka hun hi a tawi turzia hre reng la: Mihring fate zawng zawng hi i va siam engmahlo em!

⁴⁸Eng mi nge thih ni hmel hmu loa nung a, Seol kut atanga a nunna chhanhim tur chu? (Selah)

⁴⁹Lalpa, i hman lai khawngaihna i rinawmnaa Davida hnena chhechhama i tiamte kha, Khawiahnge a awm tak?

⁵⁰Lalpa, i chhiahhlawhte an sawi chhiatna hre reng ang che; Hnam chak takte zawng zawng sawichhiatna ka angchhunga ka tuar thinzia hi;

⁵¹Aw LALPA, nangmah dotue sawichhiatna, I hriak thiha hniakte sawichhiatna chu.LALPA chu kumkhuain fakin awm rawh se. Amen, Amen.

⁵²LALPA chu kumkhuain fakin awm rawh se. Amen, Amen.