Read Baibul, Mizo Sam 9 Bible Online

Sam 9 - Baibul, Mizo bible

Sam 9

¹LALPA hnenah chuan ka thinlung zawng zawngin lawm thu ka sawi ang a; I thilmak tih zawng zawng chu ka hriattir ang.

²Nangmahah chuan ka lawmin ka hlim ang a: Aw, nang Chungnungber, i hming fakin ka zai ang.

³Mi dotute chu an tlanchhiat veleh, I hmaah chuan an petek a, an boral a ni.

⁴Ka tana awm rengah leh ka thu-ah hian nangin mi tan si a; Fel taka rorelin lalthutphahah chuan i thu a.

⁵Hnam tin i zilhhau a, mi suaksualte i tiboral a, An hming hchu kumkhaw tlaitluan atan i thai bo ta a.

⁶Dotute chu an mang zo a, kumkhua atan engmah nei loin an awm ta; I khaw tihtiau tawhte chu, Anmahni hriat rengna lamin a boral ta bawk a.

⁷LALPA erawh chu kumkhua atan lalah a thu a: A lalthuphah chu rorelna turin a buatsaih ta.

⁸Ani chuan khawvel hi fel takin ro a relsak ang a, Thlei bik nei loin mi tin, ro chu a rel ang.

⁹Chutichuan LALPA chu hnehchhiahna tuarte tan chuan kulhbing sang a lo ni ang a, Mangan hunahte chuan kulhbingsang a lo ni ang.

¹⁰Tichuan i hming hretute chuan an ring ang che; Nang zawngin, LALPA, nangmah zawngtute chu i kalsan ngai si lo.

¹¹LALPA, Ziona awm chu, fakin zai u la; Mite zingah chuan a thiltihte chu hril rawh u.

¹²Thisen chhuah chhuahchhal thintu chuan anni chu a hre reng si thin a: Miretheite au thawm a theihnghilh ngai lo.

¹³Aw LALPA, mi khawngaih la; Thihna kawngkhar ata mi kai chhuak thintu, Mi hawtute avanga ka manganna hi en teh;

¹⁴Nangmah fakna zawng zawng chu ka hriattir theihna turin; Zion fanu kawngkaahte chuan, I mi chhandamnaah hian ka hlim ang.

¹⁵Hnam tin chu an khuarkhurum siamah chuan an pil a: An len phah rukah chuan anmahni ke ngei a awk ta a. LALPA chu a inhraittir a, ro a rel ta a:

¹⁶Mi suaksual chu ama kut chhuak ngeiah chuan a awk thin a. (Higgaion Selah) Mi suaksualte chu Seol-ah an kir leh ang. Hnam tin Pathian theihnghilh hmang zawng zawngte chu.

¹⁷Pachhiate chu theihnghilhin an awm fo lo ang a, Retheite beiseina chu kumkhua chuan a bo hek lo ang.

¹⁸Aw LALPA, tho teh; mihring maiin ngam che suh se. Hnam tin chu i mithmuhah hian rorelsakin awm rawh se.Aw LALPA, anni chu tihlau la; Hnam tinin mihring mai an ni tih inhre rawh se. (Selah)

¹⁹Aw LALPA, anni chu tihlau la; Hnam tinin mihring mai an ni tih inhre rawh se. (Selah)