Read Baibul, Mizo Sam 90 Bible Online

Sam 90 - Baibul, Mizo bible

Sam 90

¹Lalpa, nang chu chhuan zawng zawng chenah Kan awmna i ni thin.

²Tlangte pian hmaa, Leilung leh khawvel i din hma pawh khan, Chatuan ata chatuan thleng pawhin nang chu Pathian i ni.

³Nang chuan mihring hi boralnaah i kirtir thin a; "Mihring fate u, kir leh rawh u,m" i ti thin.

⁴Nang ngaih chuan kum sangkhat hi Nimin ral ta ang lek kha ani si a, Zan ven khat chhung ang lek bawk a ni.

⁵Anni chu tui lian angin i len bo thin a; thang khat mu ang chauh an ni; Zingah chuan hlobet chawr chuak ang an ni.

⁶Zingah chuan a lo duahin a chawr chhuak a; Tlai lamah chuan ah thlukin a awm a, a vuai thin.

⁷I thinurnaa tihboralin kan awm a, I thinrimnaa tihmanganin kan awm bawk si a.

⁸Kan khawlohnate chu i hmaah i dah a, Kan sual zep rukte chu i hmel engah i dah ta a.

⁹Kan dam chhung ni zawng zawng hi i thinrimnaah a ral thin a: Kan dam chhung kumte hi thawnthu angin kan titawp thin.

¹⁰Kan dam chhung kumte chu kum sawmsarih ani a, Chakna avangin kum sawmriat pawh a ni thei a; Nimahsela a reina chu thawhrimna leh lungngaihna mai a ni; A ral thuai a, keini pawh kan thlawk bo thin a nih hi.

¹¹Tuing nge i thinurna thiltihtheihzia hria a, Nangmah tih turzia ang i thinrimna chu hria le?

¹²Kan dam chhung nite chhiar dan tur min zirtir ang che, Finna thinlung kan neih phah hialna turin.

¹³Aw LALPA, lo kir leh ang hche; eng chen nge i thinur dawn? I chhiahhlawhte chung thu-ah chuan i rilru lamlet ang che.

¹⁴Aw, zingah chuan i ngilneihnain mi titlai ang che; Kan dam chhung zawng zawng hian kan hlima kan lawm theihna turin.

¹⁵Nangin min tihhreawm ni leh, thil tha lo kan tawh kum chhung hun angte khan min tilawm ang che.

¹⁶I hnathawh chu i chhiahhlawhte hnenah lang se la, I ropuina chu an fate hnenah lang rawh se.Tin, LALPA kan Pathian mawina chu kan chungah awm rawh se: Kan kut hnathawh hi kan chungah tinghet bawk ang che; A ni, kan kut hnathawh hi tinghet ang che.

¹⁷Tin, LALPA kan Pathian mawina chu kan chungah awm rawh se: Kan kut hnathawh hi kan chungah tinghet bawk ang che; A ni, kan kut hnathawh hi tinghet ang che.