Read Baibul, Mizo Sam 94 Bible Online

Sam 94 - Baibul, Mizo bible

Sam 94

¹Aw LALPA, nang phuba lakna thu neitu Pathian, Nang phuba lakna thu neitu Pathian, eng chhuak ang che.

²Nang leia roreltu, thawk la: Chapote chu an sual man rul ang che.

³LALPA, mi suaksualte chuan eng chen nge, Mi suaksualte chuan eng chen nge an ngam dawn le?

⁴Anni chu an tawng mai mai a, chaltlai takin thu an sawi a: Thil tisualtute zawng zawng chu an infak chawp thin.

⁵Aw LALPA, i mite chu an tikeh sawm a, I rochan chu an tihreawm thin

⁶Hmeithai leh mikhual chu an tihlum a, Pa nei lo chu an that thin.

⁷LALPA'n a hmu lo ang a, Jakob-ho Pathianin a ngaihtuah hek lo ang," an ti thin a ni.

⁸Mi zinga mi mawlte u, ngaihtuah rawh u: Mi ate u, engtikah nge in fin awn aw?

⁹Beng vuahtu chuan a hre lo ang em ni? Mit siamtu chuan a hmu lo ang em ni?

¹⁰Hnam tin thununtu'n a zilhhau lo ang em ni, Mihring finna zirtirtu chuan?

¹¹LALPA chuan mihring ngaihtuahte chu Engmah lo mai mai ani tih a hria.

¹²,13 LALPA i thununa i dan i zirtirte chua n nihlawh e, Mi sualte tlakna'n hum laih zawh hma chu. Mangan niah i hahchawlhtir dawn sia.

¹³,12 LALPA i thununa i dan i zirtirte chua n nihlawh e, Mi sualte tlakna'n hum laih zawh hma chu. Mangan niah i hahchawlhtir dawn sia.

¹⁴LALPA chuan amite apaih thlu dawn si lo a. A rochan chu akalsan hek lo ang.

¹⁵rorelna chu felna lamah a kir leh ang a: Thinlung dik tak pu zawng anwg chuan chu chu an zui ang.

¹⁶Tunge thil tha lo titute mi beisak turin tho ang? Tunge thil tisualtute mi beisak turin ding ang?

¹⁷LALPA chu mi tanpuitu ni suh se la chuan, Ka nunna hi rang takin hmun rehah a awm tawh tur a ni.

¹⁸Ka ke a tleu ve," ka tih kha, Aw LALPA, i ngilneihna chuan mi kai a.

¹⁹Ka rilrua ngaihtuah tam tak ka neih lai chuan I thlamuannate chuan ka nunna hi a tihlum thin.

²⁰Suahsualna lalthutphah, dana thil tihsualna siam thina chuan Pawlna che a nei dawn em ni?

²¹Mi fel nunna bei tumin an pung khawm hlawm thin a, Thisen sawiselbo chu thiam loh an chantir bawk thin.

²²Nimahsela LALPA chu ka kulhbing sang a lo ni a; Ka Pathian chu ka inhumhimna lungpui a lo ni.Ani chuan anmahni sualna ngei chu an chungah atlaktir a, Anmahni that lohna ngeiah chuan a tiboral ang a; LALPA kan Pathian chuan a tiboral ang.

²³Ani chuan anmahni sualna ngei chu an chungah atlaktir a, Anmahni that lohna ngeiah chuan a tiboral ang a; LALPA kan Pathian chuan a tiboral ang.