Read Baibul, Mizo Sam 95 Bible Online

Sam 95 - Baibul, Mizo bible

Sam 95

¹Aw lo kal rawh u, LALPA chawimawiin hlim takin i zai ang u: Kan inchhandamna lungpui chawimawiin hlim takin i au ang u.

²Lawm thu sawiin a hmaah i kal ang u khai, Fakna hla saa amah chawimawiin hlim takin aw i chhuah ang.

³LALPA chu Pathian ropui tak a ni si a, Pathian zawng zawng chungah Lal ropi tak a ni.

⁴Ama kutah chuan lei hmun thuk takte chu a awm a; Tlang chhip sang takte chu a ta a ni b awk a.

⁵Tuifinriat hi a ta a ni, ama siam a ni si a; Khawmual pawh hi a kut chhuak a ni.

⁶Aw lo kal u la, chibai bukin i kun ang u khai; LALPA min Siamtu hmaah i thingthi ang u:

⁷Ani chu kan Pathian ani a, Keini hi a ran tlatna hmuna m leh, a kuta beramhote kan ni si a. Vawiin hian a aw chu lo hre teh u la aw!

⁸Meriba-a an tih ang khan in thinlung tikahuh suh u, Thlalera Masa ni ang khan:

⁹Chu mi lai chuan in thlahtute chuan mi thlem a, Mi fiah a, ka thiltih chu an hmu a.

¹⁰kum sawmli chhung zet chu mi chhuanho chungah chuan ka lungni lo a, "An thnlunga ngaihsual hmang mi an ni a, Ka kawngte pawh an hre lo," ka ti a:Chuvangin, "Ka chawlhnaah chuan an lut lo ang," tiin, Thinurin chhia ka chham ta a.

¹¹Chuvangin, "Ka chawlhnaah chuan an lut lo ang," tiin, Thinurin chhia ka chham ta a.