Read Baibul, Mizo Sam 96 Bible Online

Sam 96 - Baibul, Mizo bible

Sam 96

¹Aw LALPA chawimawiin hla thar sa u la: Leilung luah zawng zawngte u, LALPA chawimawiin zai rawh u.

²LALPA chawimawia hla sain, ahming fak u la; Ni tin, a chhandamna thu chu hriattir rawh u.

³Hnam tin zingah a ropuizia hril u la, Mi tinrengte zingah a thilmak tihte chu hril rawh u.

⁴LALPA chu a ropui a, nasa taka fak tur ani si a: Pathian zawng zawng aia tih tur a ni.

⁵Mipuiho pathiante chu milemte an ni si a. LALPA erawh chuan vante khi a siam a ni.

⁶Chawimawina leh ropuina a hmaah an awm a: Chakna leh mawina chu a hmun thianghlimah an awm.

⁷Mi tina chi tinreng te u, LALPA chu pe u la, LALPA chu ropuina leh chakna pe rawh u.

⁸LALPA chu a hming ropuina chu pe u la: Thilhlan tur kengin a biak in hung chhung kawtlaiahte chuan lo kal rawh u.

⁹Aw, thianghlim mawina inbelin LALPA chu chibai buk u la: Leilung luah zawng zawngte u, a hmaah khur rawh u.

¹⁰Hnam tin zingah chuan, "LALPA chu lalah a thu," ti rawh u: Khawvel pawh hi a nghin theih lohna turin, tihnghehin a awm a: Ani chuan thlei bik nei loin mi tin, ro chu a rel ang.

¹¹Vante khi lawm takin awm se la, lei pawh hi hlim takin awm rawh se; Tuifinriat leh a chhunga thil awm zawng anwg hi ri hum hum rawh se;

¹²Lo leh a chhunga awm zawng anwg hi lawm takin awm rawh se: Chutih hunah chuan ramhnuaia thing zawng zawng hi hlimin an zai ang,LALPA hmaah chan: ani chu alo kal edawn a ni; Lei rorel turin a lo kal dawn si a: Khawvel hi fel takin ro a relsak ang a, Mi tinte chu a thutakin ro a relsak bawk ang.

¹³LALPA hmaah chan: ani chu alo kal edawn a ni; Lei rorel turin a lo kal dawn si a: Khawvel hi fel takin ro a relsak ang a, Mi tinte chu a thutakin ro a relsak bawk ang.