Read Baibul, Mizo Thufingte 11 Bible Online

Thufingte 11 - Baibul, Mizo bible

Thufingte 11

¹Bukna dik lo hi LALPA mithmuhin thil tenawm ani a, khin dik chiah erawh chu a lawmzawng a ni.

²Chapona a lo awmin mualphoin a lo awm a, inngaitlawmte hnenah chuan finna a awm.

³Mi fel rilru thatna chuan anmahni a hruai ang a, mi vervekte luhlulna erawh chuan anmahni a tiboral ang.

⁴Thinur ni chuan sum leh paiin tangkaina a nei lo ang. Felna erawh chuan thihna ata a chhanchhuak ang.

⁵Mi tha famkim felna chuan a kawng a kawhhmuh ang a; mi suaksual erawh chu ama suahsualnain a titlu ang.

⁶Mi dik tak felna chuan anmahni a chhan chhuak ang a, vervek taka titute erawh chu anmahni pawikhawihna ngeia manin an awm ang.

⁷Mi suaksual chu a thihin a hmachhuan chu a boral ang a, thil tha lo titute nghahfak chu a boral ang.

⁸Mi fel chu manganna ata chhuakin a awm a, mi suaksualin a hmun chu a luah thung a.

⁹Pathian ngaihsak lo mi chuan a kain a thenawmte a tiboral a, mi fel erawh chu hriatna vangin chhanchhuahin a awm ang.

¹⁰Mi felte chunga thil a tluan laiin khua a hlim a, mi suaksualte an thihin au dur durna a awm a.

¹¹Mi felte malsawmnain khua chawimawiin a awm a, mi suaksualte ka erawh chuan a tichhia.

¹²A thenawm hmusittu chua fina a nei lo a, hriatna nei mi erawh chu a ngawi thin.

¹³Mi kamtam tei ruai mi chuan thurukte a tilang a, mi rilru rinawm nei mi chuan thil a thup thin.

¹⁴Inhruaina fing awm lohnaah chuan mite an tlu thin a, remruat thiam tamnaah himna a awm.

¹⁵Tupawh ram dang mi tana mawhphurtua insiam chuan lungngaihna a insiam ang a. Mawhphurtua insiam hawtu erawh chuan ngaihngam taka awmna a nei.

¹⁶Hmeichhe tha chuan zahawmna a chang ang a, pawng lak ching miin sum a chang ang.

¹⁷Zahngaithei mi chuan ama nunna atan tha a ti thin a, mi nunrawng erawh chuan ama tisa buaina a thlen thin.

¹⁸Mi suaksual chuan bumna hlawh a dawng thin a, felna tuhtu erawh chuan a tak tak hlawh a dawng thin.

¹⁹Felna nghet taka ding mi chuan nunna a chang ang a, thil sual umtu chuan ama thihna.

²⁰Mi rilru kawhmawhte chu Lalpa tana tenawm an ni a, an kawnga mi fel famkimte erawh chu a lawmzawng an ni.

²¹Inthurual mah se la, mi suaksualte chu hrem lohin an chhuak lo ang a, mi fel thlahte erawh chu chhan chhuahin an awm ang.

²²Hmeichhe hmeltha ngaihruat thiamna nei lo chu vawk hnara rangkachak khang vuah ang a ni.

²³Mi fel duhthusam chu thil tha chauh a ni a, mi suaksual hmachhuan erawh chu thinurna a ni.

²⁴Sem darh chu pun lehzualna a ni a, mamawh tawka liam kawmpui chu tlakranna a ni.

²⁵Mi thilphal nunna chu tihthauin a awm a, tui leih thintu chuan mahni pawh a inleih a ni.

²⁶Buh kawmpuitu chu miin anchhia an lawh ang a, a zuartu lu chungah erawh chuan malsawmna a awm ang.

²⁷Thahnemngai taka thatna zawngtu chuan duhsakna a zawng a ni a, pawikhawih tur zawngtu erawh chu, ama chungah a thleng ang.

²⁸A sum ring mi chu a vuai ang a, mi fel erawh chu hnim angin a duah ang.

²⁹Mahni chhungkua tibuaitu chuan thli a rochung ang a, mi a chu mi thinlung fing chhiahhlawhah a awm ang.

³⁰Mi fel rah chu nunna thing a ni a, mi fing chuan mi rilru a hneh thin.Ngai teh, mi fel mah leiah hian thungrulh an nih chuan, mi suaksual leh thil tisualtu chu eng ang taka nasa lehzual ni ang maw!

³¹Ngai teh, mi fel mah leiah hian thungrulh an nih chuan, mi suaksual leh thil tisualtu chu eng ang taka nasa lehzual ni ang maw!