Read Baibul, Mizo Thufingte 13 Bible Online

Thufingte 13 - Baibul, Mizo bible

Thufingte 13

¹Fapa fing chuan a pa thununna a pawisa thin a, hmusit ching mi erawh chuan zilhhauna a ngaithla duh thin lo.

²Mi tha chuan a kaa thu chhuak rah a dawng a, bum hmangte duhzawng erawh chu tharum thawh a ni.

³A ka veng tha chuan a nunna a veng tha a ni a, a ka zau tkaa ang erawh chuan boralna a chang ang.

⁴Mi thatchhe rilru chuan thil a duh thin a, nimahsela engmah a nei chuang lo a, mi taima rilru erawh chu tihtlai a ni ang.

⁵Mi fel chuan dawt a hua a, mi suaksual erawh chu a renawm a, mualphona a thlen thin.

⁶Felna chuan dik taka awmte chu a veng thin a, suahsualna erawh chuan mi sual a theh tlu thin.

⁷Hausaa ingnai engmah nei lo an awm a, retheia inngai hausa hle si an awm.

⁸Mi hausa chuan intlanna a nei a, mi rethei erawh chuan a nei ve lo.

⁹Mi fel eng chu a eng tha hle a, mi suaksual khawnvar erawh chu tihmih a ni ang.

¹⁰Chapona chuan inhauna mai a tichhuak a, thununna tha mi hnenah erawh chuan finna a awm.

¹¹Engmah lo mai maia sum deh chhuah chu tihriral a ni ang a; thawhrimna khawl erawh chu a pung ang.

¹²Beiseina tihkhawtlai hian thinlung a tina a, duhthusam lo thleng erawh chu nunna thing a ni.

¹³Thu chu ngai nep apiang chuan boralna an inthleng ang a, thupek tih apiang erawh chu lawmna pek a ni ang.

¹⁴Mi fingte zirtirna chu nuna tuikhur a ni, thihna thang hawisanna turin.

¹⁵Hriatna tha chuan duhsakna a dawntir a, mi vervek kawng eawh chu a bumboh.

¹⁶Remhria zawng zawngin finnain an thawk a, mi a erawh chuan atna a zar darh thin.

¹⁷Zualko suaksual chu thil sualah a tlu lut thin a, palai rinawm chu damna a ni.

¹⁸Thununna duh lotu chungah chuan pachhiatna leh mualphona a thleng ang a, zilhhauna ngaisangtu erawh chu chawimawi a ni ang.

¹⁹Duhthusam puitlina a lo awm chu rilru atan a thlum a, mi ate tan chuan sual kalsan hi thil tenawm a ni.

²⁰Mi fing pawl la, i lo fing ang a, mi a pawl erawh chu hrehawm tura phahna a ni.

²¹Thil sualin mi sual chu a zui zel thin a, mi fel erawh chu thil thaa thungrulh a ni ang.

²²Mi tha chuan a tute thlenga rochun tur a hnutchhiah thin a, mi sual sum chu mi fel tan khawlkhawm a ni.

²³Mi rethei leilehah chuan hchaw tam tak a awm a; nimahsela rorel dik lo awmna chu tihchhiatin a awm thin.

²⁴Tiang hmang duh lo chuan a fa a hua a ni, a hmangaihtu erawh chuan a thunun chawt thin.Mi fel chuan a rilru tihtlaina'n a ei thin a, mi suaksual pum erawh chuan a tlachham ang.

²⁵Mi fel chuan a rilru tihtlaina'n a ei thin a, mi suaksual pum erawh chuan a tlachham ang.