Read Baibul, Mizo Thufingte 14 Bible Online

Thufingte 14 - Baibul, Mizo bible

Thufingte 14

¹Hmeichhe fing zawng zawngin in an sa a, a a erawh chuan anmahni kut ngeiin an thiat thin.

²Dik taka awm mi chuan LALPA a tih a, mi tihmawh erawh chuan a hmusit a ni.

³Mi a kaah chuan chapona tiang a awm a, mi fingte ka erawh chuan anmahni a hum thin.

⁴Bawngpa awm lohnaah chuan bawng chaw dahna a fai thin a; amaherawhchu pun hle-na chu bawngpa thahruiah a awm.

⁵Hretu dik chu a daw lo ang a, hretu dik lo erawh chuan dawt a phuh chhuak thin.

⁶Hmusit ching mi chuan finna a zawng a, a hmu thin lo a; hriatthiamna neitu tan erawh chuan fina hi awlsam tak a ni.

⁷Mi a hnen ata chu kal chhuak rawh, amahah chuan hriatna ka i hmu lo ang.

⁸Remhre finna chu mahni awm dan hriat hi a ni a, mi ate atna erawh chu bumna a ni.

⁹Mi ate chuan thiam loh channa hi an ngai lelo a, mi dik zingah erawh chuan duhsakna tha a awm,

¹⁰Mahni lungngaihna mahni chau hriat ani a, a lawmna pawh mi dangin an hriatpui lo.

¹¹Mi suaksual in chu tihchhiat a ni ang a, mi dik puan in erawh chu a vul ang.

¹²Mi ngaiha kawng dik ni awm taka lang, a tawp chu thihna kawng ni si a awm.

¹³Nuihnaah pawh rilru lungngaihna a awm a, hlim tawpna chu rihna a ni.

¹⁴Thinlunga hnungtawlh mi chu ama duh danin a khat ang a; mi tha chu amah leh amah a intilungawi ang.

¹⁵Mi mawl chuan thu tin a ring a, mi remhria erawh chuan a kalna a en tha thin.

¹⁶Mi fing chuan a hlauthawng a, sual a kalsan thin a; mi a erawh chu a intihuai a, mahni a inring thin.

¹⁷Thinram mi chuan atthlak takin thil a ti ang a; tin, thil sual suangtuah hmang mi chu huat a ni.

¹⁸Mi mawl chuan atna an rochung a, mi remhria erawh chuan hriatna khumtirin a awm.

¹⁹Sual chu mi tha hmaah a kun a, mi suaksual chu mi fel kawngka bulah.

²⁰Mi rethei chu a thenawmte ngei pawhin an hua a, mi hausa erawh chuan thian tam tak an nei.

²¹Tupawh thenawmte hmusit chuan thil a tisual a ni; mi rethei lainattu erawh chu a eng a thawl e.

²²Thil tha lo suangtuahtute chuan an tisual a ni lo'm ni? Thil tha suangtuah mi-ah erawh chuan zahngaihna leh thutak a awm ang.

²³Thawhrimna zawng zawngah hian hlawkna a awm a, kaa sawi mai mai erawh chuan tlakranna mai a thlen a ni.

²⁴Mi fing lallukhum chu a sum ani a, mi ate atna chu atna ngawt a ni.

²⁵Hretu dik chuan mite a chhanchhuak a, dawt chhak chhuak mi chuan bumna a tichhuak thin.

²⁶LALPA tihnaah chuan rina chak tak a awm a, a fate chuan inhumhimna hmun an nei ang.

²⁷LALPA tihna chu nunna tuikhur a ni. Thihna thang hawisanna turin.

²⁸Mipui tamnaah chuan lal ropuina a awm a, mi tlemnaah erawh chuan lal fapa boralna a awm.

²⁹Thinur har mi chu finna nasa tak nei mi a ni a, mi ti thawt thawt erawh chuan atna a chawimawi.

³⁰Rilru dam chu tisa nuna a ni a, itsikna erawh chu ruh mawihna a ni.

³¹Mi rethei hnehchiahtu chu a siamtu hnehchhiah a ni a, tlachhamte khawngaihtu chuan a chawimawi a ni.

³²Mi suaksual chu a thiltih sualah chuan theh luh a ni a, mi fel erawh chuan a thihnaah nghahfak a nei.

³³Ngaihthiamna nei mi thinlungah chuan finna a cheng thin a. Mi a chhung lama awm erawh chu a lang sa reng.

³⁴Felnain hnam a chawimawi a, sualna erawh chu hnam tin, tan hmingchhiatna a ni.Lal duhsakna chu fing taka titu chhiahhlawh chungah a awm a, a thinurna erawh chu mualphona thlentu chungah a awm ang.

³⁵Lal duhsakna chu fing taka titu chhiahhlawh chungah a awm a, a thinurna erawh chu mualphona thlentu chungah a awm ang.