Read Baibul, Mizo Thufingte 15 Bible Online

Thufingte 15 - Baibul, Mizo bible

Thufingte 15

¹Chhanna nemin thinur a tikiang thin a, tawng huatthlala erawh chuan thinur a chawk tho thin.

²Mi fing lei chuan fina thu dik a chhakchhuak thin a, mi a ka erawh chuan thu atthlak a chhakchhuak thin.

³LALPA mit chu hmun tinah a awm a, thil tha lo leh tha a enthla reng thin.

⁴Lei dik tak chu nunna thing a ni a, luhlulna awmna erawh chu thinlung lungchhiatna a ni.

⁵Mi a chuan a pa thununa a ngainep thin a, zilhhauna ngaisang chuan hmang hre takin a ti thin.

⁶Mi fel inah chuan sum tam tak a awm a, mi suaksual hlawkna erawh chu buaina a ni.

⁷Mi fing hmui chuan hriatna a tidarh a, mi a thinlung erawh chuan chutiang chu a ti lo.

⁸Mi suaksual inthawina chu LALPA tana tenawm a ni; mi tha tawngtaina erawh chu a lawmzawng a ni.

⁹Mi suaksual kawng chu LALPA tnaa tenawm ani a, felna kawng zawhtu erawh chu a hmangaih thin.

¹⁰Kawng pensantu thununa chu a na, zilhhau hawtu chu a boral ang.

¹¹Seol leh Abadon LALPA a hmu tlang a, mihring thinlung chu a va hmu chiang dawn em!

¹²Hmusit ching mi chuan zilhhauva awm a ngaina lo a, mi fing hnenah chuan a kal duh lo ang.

¹³Thinlung hlimin hmel hlim a siam a, thinlung lungngaihna erawh chuan rilru a tilungchhe thin.

¹⁴Hriathiamna thinlung neitu chuan hriatna a zawng a, mi a ka erawh chu dawtin a inhrai thin.

¹⁵Hrehawm tuartu tan ni zawng zawng mai hi a tha lo vek a, thinlung hlim mite rawh chuan ruai a theh reng mai a ni.

¹⁶LALPA hlauhna nen tlemte neih chu tam tak neiha buaina neih ai chuan a tha zawk.

¹⁷Hmangaihna awmnaa an hnah chawa rin chu huatna awmnaa bawngpa chawm thau ei aiin a tha zawk.

¹⁸Mi thinchhia chuan inhauna a chawk tho a, ,mi thluak nem erawh chuan inhauna a tireh.

¹⁹Mi thatchhe kawng chu hlingpal ang a ni a, mi tluang kawng chu lamliana siam a ni.

²⁰Fapa fing chuan pa hlim a siam a, mi a erawh chuan a nu a ngainep thin.

²¹Finna nei lote chuan atna hi an hlimna a ni a, mi thil hre thiam mi erawh chuan a kawng a tingil thin.

²²Remruat lawk loa thil tih a hlawhtling duh lo. Remhria an tam chuan a hlawhtling thin;

²³A hun taka chhanna dik hirat hi a va lawmawm em!

²⁴Mi fing tan chuan nunna kawng hi a chung lamah a kal a, nnuai lama Seol chu a kalsan theihna'n.

²⁵LALPA'n mi chapo in chu a kar phawng ang a, hmeithai hmun erawh chu a tinghet ang.

²⁶Remruatna tha lo chu LALPA tana thil tenawm ani a, mi thianghlim thu erawh chu benglut a ni.

²⁷Mi duham chuan ama chhungkua a tibuai thin a, tham hawtu erawh chu a hmuingil ang.

²⁸Mi fel thinlung chau ngun takin a chahng a, mi suaksual ka erawh chuan thil tha lo a chhak chhuak thin.

²⁹LALPA chu mi suaksual lakah chuan a hla a, mi fel tawngtai erawh chu a ngaithla thin.

³⁰Hlim hmelin mi a tilawm a, chanchin lawmawmin mi a tiharh.

³¹Nunna zilhhauna pawm thin chu mi fing zingah a tel ang.

³²Thununna duh lo chuan a thlarau a ngainep a ni, zilhhauna pawm erawh chuan hriat thiamna a chang ang.LALPA tihna chu fina zirtirtu ani a; inngaihtlawmna chu chawimawia awmna a ni.

³³LALPA tihna chu fina zirtirtu ani a; inngaihtlawmna chu chawimawia awmna a ni.