Read Baibul, Mizo Thufingte 17 Bible Online

Thufingte 17 - Baibul, Mizo bible

Thufingte 17

¹Insual bur bura ruaithehna in ai chuan inrem taka chaw thing bar khat eina a tha zawk.

²Chhiahhlawh fing taka che chuan fapa, mualphona thlentu chungah chuan ro a rel ang a, unau ro zingah chanvo a nei ang.

³Tihthianghlimna bel chu tangkaraw tan ani a rawhtuina chu rangkachak tan a ni a, thinlung erawh chu LALPA'n a fiah thin.

⁴Thil tha lo titu chuan mi suaksual kamchang a bengkhawn thin a, mi dawthei chuan pawikhawih hmang lei lamah beng a chhi thin.

⁵Mi rethei hmusittu chuan a Siamtu a ngai nep a ni a, mi vanduaina diriamtu chu hrem lohin a awm lo ang.

⁶Tu leh fate hi upate lallukhum an ni a, fanaute ropuina chu an pate hi an ni.

⁷Thu sawi ropui leh mi a a inmawi lo a, hmui dawthei leh lal fa a inmawi lo lehzual.

⁸A dawngtu mitah chuan thilpek chu lunghlu ang a ni a, a hawina lam apiangah a hlawhtling thin.

⁹Bawhchhiatna thuptu chuan inhmangaihna a zawng a, thil sawi sawi hmang chuan thian bulte a tithen thin.

¹⁰Mi a chunga vawi za vuak aiin mi fingah chuan vawi khat zilhhauna pawh a lut thuk zawk.

¹¹Mi tha lo chuan helna ngawt a zawng thin a, chuvangin a chungah zualko nunchhia tirh a ni ang.

¹²Mi a at lai tawh ai chuan savawm, a no laksak daih tawh a duhawm zawk.

¹³Thatna suala thungrultu chu thil tha loin a in a chhuahsan lo ang.

¹⁴Inhnial hi tuikhuah hnam tir ang a ni a, chuvangin insualna a awm tan hmain inhnial bang rawh.

¹⁵Mi suaksual thiamtu leh mi fel thiam lotu chu LALPA tan angkhat rengin an tenawm ve ve.

¹⁶Hriatthiamna nei si lo mi a kutah chuan engah nge finna leina tur man a awm ni?

¹⁷Thian chuan englai pawhin a hmangaih reng a, mangan nia tana unaua piang a ni.

¹⁸Hriatna nei lo mi chuan a kut a beng a, a thenawmte hmaah mawhphurtuah a insiam thin.

¹⁹Insual ngaina mi chuan bawhchhiatna a ngaina thin a, a in hung kawngkhar tisang chuan boralna a zawng thin.

²⁰Rilru luhlul nei mi chuan thil tha hmu thin lo a, tin, lei bengtla lo neitu chu pawi khawihnaah a lut thin.

²¹Mi a hringtu chuan ama lungngaihna a thlen thin a, mi a pa chuan lawmna a nei lo.

²²Thinlung hlim hi damdawi tha tak a ni a, thinlung lungchhia erawh chuan a ruh a tiro thin.

²³Mi suaksual chuan rorelna kawngte tikawi turin mi kut ata thiamna a la thin.

²⁴Finna chu hriat thiamna neitu hmaah a awm thin a, mi a mit erawh chu kawlkilah a awm thin.

²⁵Fapa a chu a pa tilungngaitu a ni a, a hringtunu tan a kha a ni.

²⁶Mi fel hrem chu a tha lo a, mi tha, an thatna vanga vuak a tha bawk hek lo.

²⁷A thu sawia insum thin chuan fina a nei a, rilru dam mi chuan hriatthiamna a nei a,Mi a pawh hi a ngawih reng chuan mi finga chhiar a ni a, a hmui a chip chuan mi remhriaa ngaih a ni.

²⁸Mi a pawh hi a ngawih reng chuan mi finga chhiar a ni a, a hmui a chip chuan mi remhriaa ngaih a ni.