Read Baibul, Mizo Thufingte 2 Bible Online

Thufingte 2 - Baibul, Mizo bible

Thufingte 2

¹Ka fapa, ka thute i dawn a, ka thupekte i khawl khawm a,

²Finna lama i beng i chhit a, i thinlung hriatna lam atan i pek chuan;

³A ni, hriatna i auh a, hriatthiam theihna pawh i auh chuan,

⁴Tangkarua anga i zawn a, ro phum ruk anga i zawn chuan,

⁵LALPA tih nachang i lo hria ang a, Pathian hriatna chu i chhar chhuak ang.

⁶LALPA chuan finna a pe thin a, a kaa tang chuan finna leh hriatthiamna a lo chhuak thin a ni:

⁷Mi tluangte tan finna dik a chhek khawm thin a, rinawm taka awm thinte tan phaw a ni;

⁸Rorelna kawngte a ven a, a mi thianghlimte kawng a vawn that theihna'n.

⁹Tichuan felna leh rorelna chu i lo hre thiam ang a, hleih neih lohna nen, a ni, kawng tha tinreng pawh.

¹⁰I thinlungah finna chu a lut ang a, i nunna atan hriatna chu tui tak a n ang;

¹¹Remhriatnain a veng ang chia, hriatthiamnain a enkawl ang che;

¹²Sual kawng ata chhan chuak tur che leh thil awihawm lo sawi mite laka chhanchhuak tur chein;

¹³Chu'ngte chuan kawng thima kal turin kawng dik chu an kalsan a;

¹⁴Thil tha lo tih chu an lawmzawng a ni a, thil sual bengtla lo mai maiahte an lawm thin;

¹⁵An kawngte chu a kawi a, an rintlak loh.

¹⁶Hmeichhe sual lakah chuan a chhan ang che, kam thluma thlemtu che lakah;

¹⁷A tleirawl lai thian kalsan a, a Pathian thuthlung theihnghilhtu lak ata chu.

¹⁸A in chuan thihna lam a hawi a, a kawngte chuan mitthi lam.

¹⁹A hnena kal reng reng chu an kir leh tawh ngia lo a, nunna kawng an pawh ngai hek lo;

²⁰Mi tha kawng i zawh a, mi fel kawng chu i zawh zel theihna'n.

²¹Mi tluangte chu leilungah hian an cheng ang a, tha famkimte chu chutah chuan an awm reng a;Mi suaksualte erawh chu leilung ata tihboral an ni ang a, vervek taka titute chu tihboral phiar an ni ang.

²²Mi suaksualte erawh chu leilung ata tihboral an ni ang a, vervek taka titute chu tihboral phiar an ni ang.