Read Baibul, Mizo Thufingte 21 Bible Online

Thufingte 21 - Baibul, Mizo bible

Thufingte 21

¹Lal thinlung chu LALPA kutah a awm a, tui luanna kawng angin, a duh duhnaah a tikawi thin.

²Mi tin an awm dan hi mahni mitah chuan dik tih a ni a; nimahsela LALPA'n thinlung a buk thin.

³Inthawina aiin dik tak leh fel taka rorel chu LALPA tan a pawmawm zawk.

⁴Mi indah chung leh rilru chapo, mi suaksual khawnvar hi sual a ni.

⁵Mi taima ngaihtuahna chuan neihnunna lam chauh a pan a. Mi thatchhia erawh chuan tlakchhamna lam chauh a pan a ni.

⁶Lei dawthei hmanga sum deh chhuah chu chhum thli chhem len chhem len a ni; a zawngtu chu thihna zawng a ni.

⁷Mi suaksualte nunrawnna chuan anmahni a hnawl bo ang. Rorelna fel an duh loh vangin.

⁸Thiam lohna phurtu kawng chu a kawi em em mai a, mi thianghlim erawh chu a thiltih a ngil a ni.

⁹Hmeichhe inhau hmang tak nena in zau taka awm ai chuan in chung chhip kila awm a tha zawk.

¹⁰Mi suaksual rilru chuan thi tha lo a duh a, a thenawmten a mitah duhsakna an hmu lo.

¹¹Hmusit ching mite hrema an awmin mi mawlte chuan an fin phah a; tin, mi fing chu zirtira a awmin hriatna a dawng thin.

¹²Mi fel chuan mi suaksual chhungkuate a ngaihtuah thin a, mi suaksualte an chhiatna tura thehthang bo an nihzia te.

¹³Mi rethei au thawma beng chhu ngawng chu, ani pawh a au vang a, nimahsela ngaihthlaksak a ni bik lo ang.

¹⁴A ruka thilpekin thinur a tireh a, an chhunga thilpekin thinrim nasa tak.

¹⁵Rorel fel hi mi fel lawmna a ni a, khawlohna titu tan erawh chuan boralna a ni.

¹⁶Hriatna kawng ata kal bo chu mitthi awm khawm zingah a chawl ang.

¹⁷Nawmsakna thlahlel chu mi rethei a ni ang a, uain leh hriak ngaina mi chu an hausa lo ang.

¹⁸Mi suaksual chu mi fel tlanna an ni ang a, mi bumhmang chu mi dik tak tlanna.

¹⁹Hmeichhe an hmang leh phunchiar nena awm ai chuan thlaler rama awm a tha zawk.

²⁰Mi fing awmnaah chuan ro leh hriak hlu tak a awm a, mi a erawh chuan an dawlh mai thin.

²¹Felna leh zahngaihna zuitute chuan nunna te, felna te, chawimawinate an hmu ang.

²²Mi fing chu mi chak khawpuiah a lo awm a, chu mia na rinpui ber chakna chu a lak thlaksak thin.

²³Tupawh a ka leh a lei veng tha chuan manganna lakah a nuna a veng tha a ni.

²⁴Mi chapo leh mi intivei chu a hming Hmusittua a ni; inngaih ropui chaponain thil a ti thin.

²⁵Mi dawngdah duhthusam chuan amah a tihlum thin, a kutin hnathawh a duh loh avangin.

²⁶Nilenga duham taka awh nei an awm a; mi fel erawh chuan a pe a, engmah a sum lo.

²⁷Mi suaksual inthawina chu thil tenawm ani a, rilru sual nena a rawn lak chu a va tenawm lehzual dawn em!

²⁸Hretu der chu a boral ang a; nimahsela hretu dik chuan tuma dodal lohin thu a sawi ang.

²⁹Mi suaksualin a hmel a tiruh a, mi fel erawh chuan a kawng a rel fel thin.

³⁰LALPA kalhzawng finna te, hriatna te, remruatnate a awm lo.Sakawr chu indo ni atan buatsaih a ni a, hnehna erawh chu LALPA ta a ni.

³¹Sakawr chu indo ni atan buatsaih a ni a, hnehna erawh chu LALPA ta a ni.