Read Baibul, Mizo Thufingte 22 Bible Online

Thufingte 22 - Baibul, Mizo bible

Thufingte 22

¹Sum tak tak aiin hming tha hi thlan zawk tur a ni a, tangka leh rangkachak aiin duhsakna a ngainatawm.

²Mi hausa leh mi rethei an awm za a, an vaia siamtu chu LALPA a ni.

³Mi hmanghria chuan thil tha lo chu a hmuhin a biru thin a; mi mawl erawh chuan a tawn mai thin a, a tuar phah thin.

⁴Inngaihtlawmna leh LALPA tih man chu sum te, chawimawina te, nunna te a ni.

⁵Mi bengtla lo kawngah chuan hling te, thangte a awm a, a nunna vawng tha chuan a hlat daih ang.

⁶Naupang chu a kalna awm kawngah chuan zirtir u la, a upat hun pawhin a thlah lo ang.

⁷Mi hausain mi rehtei ro an relsak a; tin, puktu chu a puktirtu chhiahhlawh a ni.

⁸Khawlohna tuhtu chuan vanduaina a at ang a, a thinurna talhtum chu a hlawhchham ang.

⁹Mi thilphal chu malsawmin a awm ang, a chhang mi rethei a pek thin avangin.

¹⁰Hmusit chin gmi chu paih chhuak u la, inhnialna chu a kiang ang, a ni, insualna te, inrunluinate a reh ang.

¹¹Thinlung thianghlimna ngaina chuan a tawngkam chhuak mawi avangin lal chu a thian a ni ang.

¹²LALPA mit chuan hriatna nei mi chu a vawng tha thin a, mi vervek thu erawh chu a paihthlaksak thin.

¹³Mi thatchhia chuan, "Pawnah sakeibaknei a awm a, kawtthlerah ka tualthi ang," a ti.

¹⁴Hmeichhe sual ka chu khuarkhurum thuk tak a ni, LALPA huatzawngte chu chutah chuan an tla ang.

¹⁵Naupang thinlungah chuan atna a bet tlat a, mahse thununna tiangin hla takah a hnawt kiang ang.

¹⁶A hlawkna tura mi rethei hnehchhiah leh. Mi hausa tlawntu chuan tlakranna mai a thlen ang.

¹⁷I beng chhi la, mi fing thu ngaithla rawh; tin, i thinlung chu ka finna dawnna'n hmang rawh.

¹⁸I thinlung chhunga i vawn a, i kaa i tihngheh bawk chuan thil duhawm tak a ni.

¹⁹I rinna chu LALPA chungah a awm theihna'n vawiinah hian i hnen ngeiah ka hriattir che a ni.

²⁰I thutak nghehzia hriattir tur che leh a rawn petu che hnena thutak chu i letpui theihna'n

²¹Remruat dan leh hriatna tha tak ka ziahsak che a ni lo'm ni?

²²Mi rethei chu rawk suh, a rethei si a, kulh kawngkaah mi lungngaite hnehchhiah hek suh:

²³LALPA'n an thu a sawipui dawn si a, anmahni rawktute nuna chu a rawk dawn a ni.

²⁴Thinrim hmang mi chu thian suh la, mi thinchhia chu kawp suh;

²⁵A tih dan i zir ang a, i nunna tan thang i tawng dah ang e.

²⁶Intiamkamte zingah tel suh la, leibaa tana intiamkamtu zingah pawh.

²⁷Engmah pek tur i neih si loh chuan engah nge i khum chu a laksak ang che?

²⁸In pi leh puten hma khawsanga ramri an lo kham chu sawn suh u.Mi a hnathawha taima chu i hmu thin ngai em? Lal hmaahte a awm ang a, mi naran hmaah chuan a awm lo ang.

²⁹Mi a hnathawha taima chu i hmu thin ngai em? Lal hmaahte a awm ang a, mi naran hmaah chuan a awm lo ang.