Read Baibul, Mizo Thufingte 25 Bible Online

Thufingte 25 - Baibul, Mizo bible

Thufingte 25

¹He'ng pawh hi Solomona thufing, Juda lal Hezekia mite'n an ziak chhawn chu a ni.

²Thil thup hi Pathia ropuina a ni a, lal ropuina erawh chu thil zawnchhuah a ni.

³Van hi a sang em a, lei hi a thuk em a, lalte rilru pawh hi chhuichhuah rual a ni lo.

⁴Tangkaraw ekchhia paih la, a chhertuin thil mawi a chher thei ang.

⁵Lal hmaa mi suaksual chu sawn bo u la, a lalthutthleng chu felnaa tihngheh a ni ang.

⁶Lal hmaah chawimawina chuh suh la, mi ropuite hmunah ding suh.

⁷I hmuh tawh thin mi lian hmaa tihhnuai i nih ai chuan thutphah tha deuhah lo thu rawh khai, i hnena an tih chu a tha zawk si a.

⁸Inbei turin hmanhmawh takin kal suh, a tawpa i thenawmte'n an tihmualpho hun chein, a tihngaihna i hre lo mai dah ang e.

⁹I thubuai chu i thenawmpa nen sawi dun u la, mi dang thuruk chu puang suh.

¹⁰A hretu chuan a hau ang chia, i hmingchhiatna a reh lo dah ang e.

¹¹A awm tak thu sawi hi tangkaraw bawma rangkachak thei ang a ni.

¹²Thu awih bengah chuan zilhtu fing chu, rangkachak bengbeh leh rangkachak tha mi thi ang a ni.

¹³A tirtute tana palai rinawm tak chu buh seng laia vur vawt ang a ni. A pute nunna a tihharh thin vangin.

¹⁴A pek loh pui pea insawi a, uangthuang chu ruahtui pai lo chhum leh thli ang a ni.

¹⁵Dawhtheihnain roreltu thlem thlukin a awm a, thu nem chuan ruhte a titliak thin.

¹⁶Khawizu i hmu thin em? A tawk lekin in rawh, chutilochuan i la lua ang a, i luak leh dah ang e.

¹⁷I thenawm in tlawh cheh lutuk suh, a ning ang chia, a haw dah ang che.

¹⁸Mahni thenawm chungchanga dawt sawi ching chu tuboh te, khandaih te, thal hriam takte a ni.

¹⁹Mangan laia mi rinawm lo rin chu ha bal leh ke ruh pelh ang a ni.

²⁰Mi lungngai hnena hla satu chu khaw vawh nia silhfen hlih ang leh pema chingal leih ang a ni.

²¹I hmelma a ril a tam chuan ei tur pe rawh, a tui a hal chuan in tur pe rawh,

²²I tizak em em ang a, tin, LALPA'n a rul ang che.

²³Hmar thliin ruah a rawn thlen a, chutiang bawkin mi rel hmang leiin thinur hmel.

²⁴Hmeichha an hmang tak nena in zau taka awm ai chuan in chung chhip kila awm a tha zawk.

²⁵Ram hla taka chanchin chu mi tuihal tak tana tui vawt ang a ni.

²⁶Mi fel, mi suaksual kawng kiantu chu tuikhur hnuchhawn hnu leh tuihna tihkhawloh ang a ni.

²⁷Khawizu in tam hi a tha lo a, chutiang bawkin miin mahni ropuina an zawng hi ropuina a ni lo e.Mahni rilru thunun zo lo mi chu khawpui chim kulh nei lo ang a ni.

²⁸Mahni rilru thunun zo lo mi chu khawpui chim kulh nei lo ang a ni.