Read Baibul, Mizo Thufingte 29 Bible Online

Thufingte 29 - Baibul, Mizo bible

Thufingte 29

¹Zilhhau fo pawha a ring tikhawng tlat chu vawilehkhatah tihtliahin a awm ang a, tihdamna a awm lo ang.

²Mi fel an lo pun hian mite an lawm thin a, mi sualin rorelna an chanin mite an rum thin.

³Finna ngainatu chuan a pa lawmna a thlen a, nawhchizuar pawltu chuan a sum a tiral thin.

⁴Dik taka lalin ro a rel chuan ram a phuisui a, thamna a lak chuan ram a chhe thin.

⁵A thenawm fak dertu chuan a ke tan len a zam a ni.

⁶Mi tha lote bawhchhiatnaah chuan thang a awm a, mi fel erawh chu a zai a, a hlim.

⁷Mi fel chuan mi rethei thu a hriatsak a, mi suaksual erawh chuan hriatna turin ngaihthiamna a nei lo.

⁸Hmusittu chuan khawpui a tialh a, mi fing erawh chuan thinurna a tikiang thin.

⁹Mi fingin mi a a hnial chuan, a thinur emaw, a nui emaw pawh ni se la, inremna a awm lo reng reng ang.

¹⁰Thisen chhuah chak mite chuan mi tha famkim an hua a, mi dik takte erawh chuan a nunna humhim an tum thin.

¹¹Mi a chuan a thinur thu zawng zawng a sawi chhuak a, mi fing erawh chuan an thup a, an ngawihpui thin.

¹²Roreltuin dawt thu a ngaihsan chuan a chhiahhlawhte zawng zawng an sual thin,

¹³Mi rethei leh hnechhiahtu an awm dun a, LALPA'n an mit a tihvarsak ve ve a.

¹⁴Mi retheite rinawm taka rorelsaktu lal chu a lalthutthleng chu kumkhuaa tihngheh a ni ang.

¹⁵Tiang leh zilhhaunain a tifing a, naupang thlahthlam chuan a nu zahna a thlen thin.

¹⁶Mi sual an lo punin bawhchiatna pawh a lo pung thin a, mi fel erawh chuan an tlukna chu a la hmu ang.

¹⁷I fapa chu thunun fel la, chawlhna a pe ang chia, a ni, i rilru lawmna a thlensak ang che.

¹⁸Inlarna a awm loh chuan mipuite an tladah thin a, dan zawmtu erawh chu a nihlawh thin.

¹⁹Chhiahhlawh chu thu maia thunun mi a ni lo, hre mah se la engahmah a ngai lo ang.

²⁰Thu sawi thuai thuai mi i hmu thin em? Chu mi ai chuan mi aah beiseiawm a awm tam zawk.

²¹A naupan tet atanga chhiahhlawh duat chu a tawpah in ro pawh a chuh ang.

²²Mi thinurin insualna a chawk chhuak a, mi thinramin bawhchhiatna a ngah thin.

²³Mi a chaponain a tilawm ang a, mi rilru inngaitlawm chuan chawimawi a hlawh ang.

²⁴Rukru kawppuitu chuan ama nunna a hua a ni; chhechham ri a hria a, engmah a sawi si lo.

²⁵Mi dang ngaih dan pawisak luat a hlauhawm a, LALPA-a innghah erawh chu a him.

²⁶Mi tam takin roreltute duhsak hlawhna an zawng a, mahse mihring chunga rorelna chu LALPA hnen atanga lo chhuak a ni.Mi fel lo chu mi fel ngaihin tenawm a ni a, tin, dik taka awm mi chu mi suaksual tan tenawm a ni.

²⁷Mi fel lo chu mi fel ngaihin tenawm a ni a, tin, dik taka awm mi chu mi suaksual tan tenawm a ni.