Read Baibul, Mizo Thufingte 30 Bible Online

Thufingte 30 - Baibul, Mizo bible

Thufingte 30

¹Jakeha fapa Agura thute: thufing chu. Miin Ethiela hnenah, Ethiela leh Ukala hnenah heti hian a ti.

²Mi ahluanah ka mawl ber a, mihringin hriatthiamna an neih hi ka nei lo a:

³Finna ka zir lo a, mi thianghlima hriatna ka nei hek lo.

⁴Tu nge ni vana chho tawh a, lo chhuk leha chu? Tu nge ni a kuta thli hum khawmtu chu? Tu nge ni a puana tui funtu chu? Tu nge ni kawlkil zawng zawngte tinghet? Tu nge ni a hming, tu nge ni a fapa hming pawh i hria em?

⁵LALPA thu zawng zawng chu fiah a ni tawh, amah ringtu zawng zawngte tan ani chu phaw a ni.

⁶A thute chu belhchhah suh, chutilochuan a lai lang ang chia, dawthei i lo ni dah ang e.

⁷Thil pahnih ka dil chia, ka thih hmain rem ti lul ang che.

⁸Thil lawi lo leh dawtte chu mi tihsawnsak daih ang che. Pachhiatna emaw, neihnunna emaw mi pe hek suh. Ka tana mamawh chawin min chawm rawh.

⁹Chutilochuan ka tlaipuar ang a, ka phat ang chia, LALPA chu tu nge ni? Ka ti dah ang e; a nih loh vek leh ka lo rethei ang a, ruk ka ru ang a, Ka Pathian hming ka tihliau dah ang e.

¹⁰Chhiahhlawh chu a pu hnenah rel suh, anchia a lawh ang chia, thiam loh i hlawh dah ang e.

¹¹An pate anchhia lawh a, an nute malsawm lo chhuan an awm a.

¹²Mahni ngaiha thianghlim inti chhuan an awm a; nimahsela an bawlhhlawhna tlen fai an ni si lo.

¹³Tha inti em emte an awm a, tha an va inti teh reng em!

¹⁴An ha chu khandaih ang, an ha hnuai lam chemte ang chhuan an awm a, leilung ata mi rethei leh mihring zing ata mi renchhamte ei zo turin.

¹⁵Mi pe rawh, mi pe rawh, tia au fanu pahnih nei satliah a awm a. Thil pathum, kham lem nei lo a awm a; e! Thil pali, a ni; a tawk e, ti ngai lote.

¹⁶Thlan leh chhul ching, tui khawpkham lo leilung leh a tawk e, ti ngai lo mei.

¹⁷A pa hmusittu leh a nu thu awi ngaineptu mit chu phai choakin an kher chhuak ang a, mupui note'n an ei ang.

¹⁸Thil pathum ka tana mak lutuk a awm a. E! Thil pali a ni ka hriat loh chu.

¹⁹Boruaka mupui kawng; lung chunga rul kawng; tuifinriata lawng kawng; mipain nula a panna kawngte.

²⁰Chutiang chu a ni, hmeichhe uire hmang kawng chu! A ei a, a hmui a hru fai a, thil sual engmah ka ti lo, a ti thin.

²¹Thil pathum vangin leilung a khur thin; thil pali a ni, tuar theih lohte.

²²Chhiahhlawh chu lal a lo nih a, mi a chu buh leh saa a lo tlai a.

²³Hmeichhe huatthlala takin pasal a lo neih a, chhiahhhlawh nulain a pi ro a luahin.

²⁴Thil te tam te pali lei chungah hian a awm a; mahse an fing hle reuh mai.

²⁵Fanghmir hi chak lo tak an ni a; nimahsela thalah an chaw tur an khawlkhawm thin.

²⁶Sazupui hi chhiatha tak an ni a; nimahsela lungpuiahte an awmna an siam thin.

²⁷Khaute hian lal an nei lo a; nimahsela a rualin an kal thin.

²⁸Daidepte hi an kein an inham tang thin a; nimahsela lal inah an awm thin.

²⁹Thil pathum an awm dana ropui tak an awm a. E! Pali a ni, an awm dana ropui tak chu.

³⁰Sakeibaknei chu ram sa zingah a chak ber a, engmahin a tilet zo lo a.

³¹Ui sa thiam; kelpa pawh; Lal, tumah amah bei ngam awm lo chu.

³²Nangmah inchawisang tura thil atthlak tak i lo tih tawh emaw, thil tha lo i lo ngaihtuah tawh emaw anih chuan, i ka hup rawh.Hnute tui chawhin hnute khal a rawn tichhuak ang leh hnar sawra thi a lo chhuak angin tihthinur luinain inhauna a hring thin.

³³Hnute tui chawhin hnute khal a rawn tichhuak ang leh hnar sawra thi a lo chhuak angin tihthinur luinain inhauna a hring thin.