Read Baibul, Mizo Thufingte 5 Bible Online

Thufingte 5 - Baibul, Mizo bible

Thufingte 5

¹Ka fapa, ka finna ngaithla la, ka hriatnaah i beng dawh rawh,

²Ngaihruat thiamna i vawn a, i leiin hriatna a vawn theihna'n.

³Hmeichhe sual hmui ata khawizu a far a, a hmui chu hriak aiin a nal si;

⁴A tawpna erawh chu sai angin a kha a, khandaih hriam tawn angin a hriam.

⁵A ke chu thihnaah a chhuk a, a ke penin Seol lam a pan.

⁶Chutichuan nunna kawng rualrem a hmu lo a, a kawngte chu a nghet lo a, a hre si lo.

⁷Chuvangin ka fapate u, ka thu ngaithla u la, ka kaa thu hi hawisan teh suh u khai.

⁸I kawng chu a hnen ata sawn daih la, a kawngka va hnaih suh.

⁹Chutilochuan i ropuina chu mi dang a pe ang a, i kumte chu mi nun chhia i pe dah ang a,

¹⁰Ram dang mite chu i thahruiin i titlai ang a, i thawhrimna chu hmel hriat loh inah a awm dah ang e.

¹¹Tin, i tisa leh i taksa a ral hunin i hun tawp lamah chuan i tap ang a,

¹²Engtiziaa zirtirna chu ka lo huat a, ka thinlungin zilhhauna chu lo ngainep nge maw ni aw?

¹³Mi zritrtu thu lah ka lo awi ta hek lo a, mi zirtirtute chungah ka beng ka lo dawh ta bawk hek lo;

¹⁴'Mipuite leh pungkhawmho zingah chuan ka lo thih teuh hle chu le!' i la ti ang.

¹⁵Nangma tuibel ata tui in la, nangma tuichhunchhuaha tui thar lam chu.

¹⁶I tuihalnate chu ram tina luang darhin kawtthlerahte lui tui a luang dawn em ni?

¹⁷I tan chauh ni se la, ram dang mite tawmpui lohin.

¹⁸I tuichhunchhuah chu malsawmin awm se la, i tleirawl lai nupuiah chuan hlim rawh.

¹⁹Zukpui duhawm tak leh zukchal nalh tak angin englai pawhin a tang chhung chuan tilungawi fo che se la, a hmangaihnaah chuan lawm fo rawh.

²⁰Enga tan nge nang, ka fapa chuan hmeichhe sual i lawm ang a, a tang i pawm ang?

²¹Mihring kawngte chu LALPA mithmuhah a awm a, a kawng zawng zawng a tihrualremsak thin.

²²Ama khawlohna ngeiin mi suaksual chu a man ang a, a sualna hruizena thlunin a awm ang.Zirtirna tlakchham vangin a thi ang a, a at em vangin a bo ang.

²³Zirtirna tlakchham vangin a thi ang a, a at em vangin a bo ang.