Read Baibul, Mizo Thufingte 6 Bible Online

Thufingte 6 - Baibul, Mizo bible

Thufingte 6

¹Ka fapa, i thenawm tana mawhphurtua i lo tan a, ram dang mi vuakna'na i kut i hman chuan,

²I tawngka chhuakah i awk a, i tawngka chhuakin a man che a ni:

³Ka fapa, i thenawm kutah i awm tih inhriain hei hi ti la, intichhuak rawh; kal la, intihuai la, i thenawm chu luh ngut ngut rawh.

⁴I mit chu muthilhtir suh la, i mit chu muthluktir hek suh.

⁵Sa peltu laka sakhi a tlan chhuak ang leh sava vehtu laka sava a thlawk chhuak angin intichhuak rawh.

⁶Nang, thatchhepa, fanghmir tih dante chhut la, fing rawh;

⁷Anni chuan lal te, hotute, roreltute nei loin

⁸Nipuiah chaw an chhek khawm a, a seng hunin an ei turte an seng khawm thin.

⁹Aw, thatchhepa, eng chen nge i mut dawn? Eng tikah nge i muhil chu i thawh dawn?

¹⁰I duh chuan mu hlek la, chhing hlek rawh, kut kuangkuahin chawl hlek teh,

¹¹I mut hlanin i rethei hman ang a, tlakchhamnain sipai angin a rawn nang thut ang che,

¹²Mi tlaktlai lo, mi khawlo chu, tawng chaltlai nen a vak vel a;

¹³A mit a siai a, a kein thu a sawi a, a kut zungtangin a zaizir thin.

¹⁴A thinlungah luhlulna a awm a, thil sual a suangtuah reng a, inrem lohna a tuh thin.

¹⁵Chuvangin a chhiatna a lo thleng thut ang a, vawilehkhatah tihchhiatin a awm ang a, tihthat leh theih tawh lohin.

¹⁶Thil paruk LALPA'n a huat thin a awm a, a ni, pasarih a tenzawng tak a awm;

¹⁷Mit chapo te, lei daw thei te, pawi khawih lo thisen chhuahna kut te,

¹⁸Thil tha lo suangtuah thin thunlung te, pawi khawih tura ngalchak te;

¹⁹Hretu der dawt sawi thin te, unau kara inrem lohna tuhtute hi.

²⁰Ka fapa, i pa thupek chu zawm la, i nu zirtirna chu hawisan suh.

²¹I thinlungah thlung reng la, i nghawngah awrh rawh.

²²I vah velin a hruai ang chia, i mut hunin a veng ang chia, i thawh hunin a bia ang che.

²³Thupek chu khawnvar a ni a, dan chu eng a ni si a; tin, zirtirna zilhhauhna chu nunna kawng a ni;

²⁴Hmeichhe khawlo lakah leh hmeichhe sual kam thlum lakah veng tur chein

²⁵I thinlungin a mawina it suh la, a mitmeng noin hip che suh se,

²⁶Nawhchizuarnu vangin pa chhang themah a chang a, uirenu chuan nunna hlu tak a zawng thin.

²⁷Mi a puan kang loin mei a pawm thei em ni?

²⁸Mi a ke kang loin meiling a rap thei em ni?

²⁹Chutichuan mi a thenawm nupui hnena kal a, tupawh amah va khawih chu hrem lohin a chhuak lo ang.

³⁰Miin a riltam tihrehna'na ruk a ruk chuan an hmusit thin lo a;

³¹Nimahsela an hmuh chhuah chuan a lehsarihin a rul ang; a ina a sum zawng zawng a pe ang.

³²Mi nu uiretu chuan hriatna a nei lo a ni, ama nunna tiche tur thil a ti a ni,

³³Hliam a tuarin a hminghliau ang a, a hming a chhe hlen bawk ang.

³⁴Thikthuchhiatna chu mipa thinrimna a ni a, phuba lak ni chuan a zuah lo ang.Tlanna chu engahmah a ngai lo ang a; thilpek tam tak pe mah la, a lung a awi chuang lo ang.

³⁵Tlanna chu engahmah a ngai lo ang a; thilpek tam tak pe mah la, a lung a awi chuang lo ang.