Read Baibul, Mizo Thufingte 8 Bible Online

Thufingte 8 - Baibul, Mizo bible

Thufingte 8

¹Finna chu a auin, hriatna chuan a aw a chhuah lo em ni?

²Kawng sir ko sang chungah te, kawng thuamahte a ding thin a;

³Khaw tawntirh kawngkaah, khaw luhna kawngka bulahte ring takin a au a.

⁴Aw nangni mihringte u, ka auh che u hi, ka aw chu mihring fate tan a ni.

⁵Aw, nangni mi mawlte u, remhriatna hi lo hre thiam teh u; nangni mi ate u, finna thinlung nei mi lo ni rawh u.

⁶Ngaithla rawh u, thil tha tak mai ka sawi dawn a ni, ka thil sawite chu thil dik hlir a ni ang.

⁷Ka ka chuan thutak a sawi chhuak ang a, suahsualna chu ka hmui tan thil tenawm a ni.

⁸Ka kaa thu zawng zawngte chu a fel vel vek a ni, thu kawi leh bengtla lo reng reng a awm lo.

⁹Hrethiamte tan a fiah vek a, finna hmutute tan a dik vek a ni.

¹⁰Ka zirtirnate dawng rawh u, tangkate ni loin, tin, finna chu rangkachak duhawm mai ai pawhin.

¹¹Finna chu lunghlu sen mi aiin a tha zawk si a. duhthusam theih thil zawng zawng pawh a hen zo a awm lo.

¹²Kei, finna chuan ka chennaa remhriatna ka siam a, finna leh ngaihruat thiamna ka hre chhuak thin.

¹³LALPA tih chu sual huat hi a ni; chapona te, uanthuanna te, thil tha lo chinna te, tawng chaltlai te hi ka haw takzet a ni.

¹⁴Remruat leh hriatna dik hi ka ta a ni a; hriatthiamna ka ni a, chak tak ka ni.

¹⁵Kei mi hmnagin lalin ro a rel a, hotuten rorelna felin thu an titlu thin a.

¹⁶Kei mi hmangin hotuten ro an rel a, mi lian te, leilunga roreltute zawng zawng pawhin.

¹⁷Mi hmangaihtu chu ka hmangaih a, thahnemngai taka mi zawngtute chuan mi hmu ang.

¹⁸Sum leh ropuinate ka hnenah a awm a, a ni, sum leh felna tlo tak mai chu.

¹⁹Ka rah chhuah chu rangkachak aiin a tha zakw a, a ni, rangkachak tha mi ai pawhin; ka lak luh chu tangkaraw tha mi aiin.

²⁰Felna kawng ka zawh a, rorelna kawng takah;

²¹Mi hmangaihtute chu sum ka rochuntir theihna'n leh an ro bawmte ka tihkhah theihna'n.

²²LALPA chuan a thil siam bul berah min din a, hmasanga a thil siam bul berah.

²³Chatuan ata, a tir tea din ka ni, leilung awm hma rengin.

²⁴Tuifinriat la awm hma daihin ka piang tawh a, tuikhur tui tam tak la awm hma daihin.

²⁵Tlang liante an din hma leh tlang tete awm hmain ka piang tawh a,

²⁶Leilung a la din hma leh ramte a din hma, khawvela vaivut pawh a la awm tan hma daihin.

²⁷Vante a tihngheh laiin ka awm tawh a, tuifinriat chunga kal hualna a siam laiin,

²⁸Chung lam van a tihngheh laiin, tuifinriat a lo nghe laiin;

²⁹Tuite chuan a thu pek an bawhchhiat lohna tura tuifinriat rite a siamsak a, leilung nghahchhan a ruat lai khan;

³⁰Chutih lai chuan mi themthiam angin ni tin a kiangah ka awm a, a lawmna ka ni a. A bulah ka hlim em em bawk thin.

³¹Chen theihna a leilungah hlim taka awmin ka lawmna chu mihring fate chungah a ni.

³²Khai le, ka fapate u, ka thu ngaithla rawh u, ka kawng zawhtute chu mi nihlawh an si a.

³³Zirtirna chu ngaithla u la, fing u la, duh lo suh u.

³⁴Ka kawngka bulah nghak a, ka kawt hung kawngkaa nghak renga ka thu ngaithlatu chu a eng a thawl e.

³⁵Mi hmu apiang chuan nunna a hmu a ni si a, LALPA duhsakna a dawng ang a.Amaherawhchu, ka chunga sual apiang chuan ama nunna a tikhawlo a ni.

³⁶Amaherawhchu, ka chunga sual apiang chuan ama nunna a tikhawlo a ni.