Read Baibul, Mizo Thuhriltu 1 Bible Online

Thuhriltu 1 - Baibul, Mizo bible

Thuhriltu 1

¹Jerusalem la, Davida fapa, Thuhriltu thute chu.

²Thuhriltu chuan, Engmah lo mai mai, thil zawng zawng hi engmah lo mai a lo ni, a ti a.

³Mihringin a hnathawh, ni hnuaia a thawhah chuan hlawmna eng nge a hmuh?

⁴Chhuan khat an liam a, chhuan dang an lo chhuak a, lei hi erawh chu a awm reng mai.

⁵Ni pawh chu a lo chhuak a, tin, a tla leh a, a chhuahna tur lam panin a hmanhmawh thin.

⁶Thli chu chhim zawngin a tleh a, hmar hawiin a lo let leh a; a tleh vel a tleh vel a; tin, a bial ngaiah a kir leh thin a.

⁷Lui zawng zawngte chu tuipuiah an luang lut a, mahse tuipui chu a khat chuang lo; luite chu an luanna thin lamah chuan an luang reng a.

⁸Thil zawng zawng hi ninawm mai mai a ni; sawiin a siak lo e: Mit chu a thil hmuhah a tlai lo a, beng pawh a thil hriat a kham hek lo. Thil lo awm tawh chu lo awm tur renga kha a ni a.

⁹Thil tih takate chu tih tur reng kha a ni: Ni hnuaiah hian thil thar reng reng a awm lo e.

¹⁰Miin, en rawh, hei hi a thar a ni, a tih theih reng reng a awm em ni?

¹¹Tun hma thil tuma'n an hre reng lo a. Nakinah pawh tun lai thil hi an hre reng lo ang.

¹²Kei, thuhriltu hi Jerusalema Israel-te lal ka ni tawh.

¹³Tin, van hnuaia thiltih tak zawng zawng chungchang chu finna hmangin fiah leh hmuchhuak turin ka rilru ka lo hmang ta a: Pathianin mihring fate hnena buaipui tura a lo pek hi hna hrehawm tak a ni.

¹⁴Ni hnuaia thiltih tak zawng zawngte chu ka hmu ta a, tin, ngai rawh, thil zawng zawng hi engmah lo leh thil lothlawn mai a lo ni.

¹⁵A kawi tawh kha chu tihngilh theih a ni lo a, a awm lo chu chhiar rual a ni lo.

¹⁶Ka hmaa Jerusalema awmte zawng anwg aia nasain finna ka nei alawm maw! Ka rilru pawhin fina leh hriatna a nei nasa reng a ni, ka inti a.

¹⁷Tin, ka rilru hi finna hre tur leh atna leh fin lohna hre tur pawhin ka hmang a: hei pawh hi thil lothlawn mai a lo ni tih ka lo hre ta.Finna a nasat poh leh buaina a tam a, hriatna a pun poh leh manganna a pung.

¹⁸Finna a nasat poh leh buaina a tam a, hriatna a pun poh leh manganna a pung.