Read Baibul, Mizo Thuhriltu 12 Bible Online

Thuhriltu 12 - Baibul, Mizo bible

Thuhriltu 12

¹Tin, i vanglai hian i siamtu hre reng rawh - Ni tha lote a lo thlen hma leh lawmna reng reng ka nei lo e, i tihna tur kumte a lo hnaih hma hian.

²Ni te, eng te, thla te, arsite a thim hma leh ruah hnua chhum a lo kir leh hma hian.

³In vengtu chu a lo khurh a, mi chakte chu an kaikun a, an tlem vanga rawtsawmtu nute an ban a, tukverha dak nute chu an thim a.

⁴Kawtthlera kawngte a inkhar ni chuan, rawtsawmna ri a lo chuai a, sava thawmah mi a thawh a, zai nu zawng zawngte an lo zuai lai hian;

⁵A ni, a sang chu an hlau a, kangah hlauhawm a awm a, vaiumkhal thing a par a, khau chu hnawksak a ni a, chakna a bo a, mi chu a chatuan in lamah a hawngin, lusunte chu kawtthlerah an vak vel si a.

⁶Tangkaraw zai chu a chah a, rangkachak berhbu chu a keh a, hlumbel chu tuikhurah a keh a, tawlailir chu tuikhuah bulah a tliah hma hian

⁷Vaivut chu a awm angin leiah a chang leh a, thlarau chu a petu Pathian hnenah a kir leh a ni.

⁸Thuhriltu chuan, engmah ni lo mai mai, thil zawng zawng hi engmah ni lo mai a lo ni, a ti a.

⁹Tin, a fing chauh pawh ni loin, Thuhriltu chuan mite hriatna a zirtir a; a ni, thufing tawi tam tak a ngaihtuah a, a zawng chhuak a, a rem fel a.

¹⁰Thuhriltu chuan thu pawm tlak hmu turin a zawng a, tlang taka ziak, thutak thute chu.

¹¹Mi fing thu chu beramputen an khalhna'na an hman tiang zum ang a ni a, thufing lawrkhawm chu thir Kilhna khen bur tlat anga nghet a ni.

¹²Chu chauh pawh ni loin, hengah hian, ka fapa, zilhin awm ta che. Lehkhabu tam tak siam hi tawpintai a awm lo e, nasa taka zir pawh hi tisa chauhna mai a ni.

¹³Heng thu zawng zawng khaikhawmna hi i ngaithla teh ang: Pathian tih la, a thupekte vawng rawh; hei hi mihring zawng zawng tih tur chu a ni mai.Pathian chuan thiltih zawng zawng chungah ro a la rel dawn si a, thil inthup engkim, a chhia emaw, a tha emawte pawh, tih hi.

¹⁴Pathian chuan thiltih zawng zawng chungah ro a la rel dawn si a, thil inthup engkim, a chhia emaw, a tha emawte pawh, tih hi.