Read Baibul, Mizo Thuhriltu 3 Bible Online

Thuhriltu 3 - Baibul, Mizo bible

Thuhriltu 3

¹Engkim tan hian hun ruat a awm a, van hnuaia thiltih zawng zawng tan hun remchang a awm:

²Pian hun a awm a, thih hun a awm: phun hun a awm a, thil phun phawi hun a awm;

³Tihhlum hun a awm a, tihdam hun a awm; thiah hun a awm a, siam leh hun a awm;

⁴Tah hun a awm a, nuih hun a awm; sun hun a awm a, lam hun a awm.

⁵Lung paih darh hun a awm a, lung lak khawm hun a awm; pawm hun a awm a, pawm loh hun a awm;

⁶Zawn hun a awm a, tihbo hun a awm; vawn that hun a awm a, paih bo hun a awm;

⁷Tihthler hun a awm a, thui hun a awm; ngawih hun a awm a, tawng hun a awm;

⁸Hmangaih hun a awm a, huat hun a awm; indo hun a awm a, muan hun a awm a ni.

⁹Hnathawktuin a thawhrimna ata eng hlawkna nge a hmuh?

¹⁰Pathianin mihring fate hnena buaipui tura hna a lo pek chu ka hmu ta.

¹¹Engkim hi an hun theuhvah chuan mawi takin a siam a; mihring rilruah chuan chatuan a dah bawk a;mahse, chuti pawhin anni chuan Pathianin a tir ata a tawp thlenga thil a tih chu an hmu chhuak thei chuang lo.

¹²Hlim taka awm a, an nun chhunga thil tha an tih aliama an tana tha zawk engmah ka hre lo.

¹³Tichuan, mi tin, ei leh in leh an thawhrimna zawng zawnga hlim taka an awm chu Pathian thilpek a ni.

¹⁴Pathianin a tih apiang chu a awm hlen ang tih ka hria: engmah belh theih a ni lo ang a, lak then theih pawh a ni hek lo ang; mihringin amah an tih theihna'n Pathianin chutiang chuan a ti a ni.

¹⁵Thil awm mekte hi lo awm tawh sa kha a ni a: thil lo awm turte chu lo awm tawh sa bawk kha a ni; Pathian chuan a bo tawhte kha a rawn la kir leh zel a ni.

¹⁶Tin, chu lo pawh chu, ni hnuaiah rorelna hmuna suahsualna awm leh dikna hmuna suahsualna awm chu ka hmu bawk a.

¹⁷Ka rilruah chuan, Pathianin mi fel leh mi suaksualte ro pawha rel ang; thil tinreng tan leh hna tinreng tan hun a awm si a, ka ti a.

¹⁸Mihring fate chung thu-ah chuan, ramsa mai an ni tih an inhriat theihna'n Pathianin anmahni a fiah a ni, ka ti rilru a.

¹⁹Mihring fate chunga khawvel leh ramsate chunga khawrel chu thuhmun a ni si a, khawrel thuhmun an chungah a tla a ni; pakhat a thih ang bawkin a dang pawh kha a thi a; an zain thawk dan thuhmun an ni a, mihring chu ramsa aiin a chungnung lem lo; thil zawng zawng hi engmah lo mai a lo ni si.

²⁰An zain hmun khatah an kal vek a; an zain vaivuta mi an ni vek a, an zain vaivutah an chang leh vek a ni.

²¹Mihring fate thlarau chu chung lamah a chho emaw, ramsa thlarau chu hnuai lamah leiah a chhuk emaw tih tu nge hria?Chuvang chuan mihring chu a thiltihah a lawm aliama tha engmah a awm lo, tih ka hmu a ni chu chu chanvo a ni mai a: a hnua thil lo awmte hmu turin tuin nge rawn hruai kir leh hlei ang?

²²Chuvang chuan mihring chu a thiltihah a lawm aliama tha engmah a awm lo, tih ka hmu a ni chu chu chanvo a ni mai a: a hnua thil lo awmte hmu turin tuin nge rawn hruai kir leh hlei ang?