Read Baibul, Mizo Thuhriltu 4 Bible Online

Thuhriltu 4 - Baibul, Mizo bible

Thuhriltu 4

¹Tin, ka han thlir leh a, ni hnuaia inhnehchhiahna zawng zawngte chu ka hmu a; tin, en teh, hnechhiaha awmte mittuite chu, thlamuantu an nei lo ve; anmahni hnehchhiahtute chuan thltihtheihna an nei a, anni zawngin thlamuantu reng an nei lo.

²Chuvangin mi nung la damte aiin mitthi thi tawhte chu awhawm ka ti zawk.

³Tin, anmahni ve ve ai pawhin lo la piang lo, ni hnuaia thiltih tha lo la hmu lo nih chu a tha zawk.

⁴Tin, thawhrimna zawng zawng leh themthiamna tinrengte hi thenawm elrelna vanga lo awm a ni tih ka hre ta. Hei pawh hi engmah lo leh thil lo thlawn mai a ni.

⁵Mi a chuan a kut a kuangkuah a, a intam hlum thin tih a ni a.

⁶A dik thei e, hahdama veikhat neih pawh hi buai philia thawka veihnih neih ai chuan a tha.

⁷Tin, ka han thlir leh a, ni hnuaiah chuan engmah lo a ni ka hmuh ni.

⁸Mi pakhat, mi mal tak a awm a, fapa emaw unaupa emaw pawh a nei hek lo; mahse, tawpintai awm loin a thawkrim a, a hausaknate pawh a mit tlaina khawp a ni hek lo; mahni nawmsakna chan khawpa tu tana thawkrim ka ni nge pawh a inti ngai hek lo. Hei pawh hi engmah lo mai a lo ni a, thil hrehawm tak a ni bawk.

⁹Pahnih chu pakhat ai chuan an tha zawk, an thawh chhuah that vangin.

¹⁰An tluk pawhin pakhat chuan a thian chu a khaiding dawn si a; mahni chauha awm kha erawh chu a chung a pik e, a tluk chuan khaidingtu tur a nei si lo.

¹¹Chu lo pawh, pahnih chu an mut dun chuan an inngheng lum thei a, pakhat erawh chu mah maiin engtin nge a lum theih ang?

¹²Tin, amah maia awm kha chu miin hneh theih mah se la, pahnih chuan an lo dodal zo dawn ani hrui thum hrual chu a chat lawk lawk ngai lo e.

¹³Lal putar a tawh, thurawn dawngsawng duh lo ai chuan tleirawl rethei leh fing chu a tha zawk.

¹⁴Tan in ata chu lal turin a lo chhuak ani si a; a ni, ama ram meuhah pawh retheia piang ni mah se la.

¹⁵Ni hnuaia leng mi nung zawng zawngte chu lal aiawh tur tleirawl lampangah vek ka hmu a,Lalin chhiar sen loh chungah ro a rel thei e, mahse a hnuah chuan tumah a chungah an lawm lo. Hei pawh hi engmah lo leh thil lothlawn a lo ni ngei mai!

¹⁶Lalin chhiar sen loh chungah ro a rel thei e, mahse a hnuah chuan tumah a chungah an lawm lo. Hei pawh hi engmah lo leh thil lothlawn a lo ni ngei mai!