Read Baibul, Mizo Thuhriltu 5 Bible Online

Thuhriltu 5 - Baibul, Mizo bible

Thuhriltu 5

¹Pathian ina i kal laiin i ke veng tha rawh; mi ate inthawina ai chuan ngaithla tura rawn hnaih hi a tha zawk si a: thil tha lo an tih an hre si lo.

²I ka chu hmanhmawh suh se; Pathian hmaa thu engpawh chhak chhuak turin i thinlung pawh hmanhmawh suh se; Pathian chu vana awm a ni a, nang chu leia awm i ni si a: chuvang chuan i thu pawh tlem rawh se.

³Buaina tam tak chu mangphan a ni nge nge si a, thu tuitam vak lah chu mi a aw chhuak a ni mai.

⁴Pathian hnena thu i tiam chuan ngaihthah suh: mi a chu a lawm si lo. I tiam chu hlen ngei rawh.

⁵Thu tiama hlen si loh ai chuan tiam loh law law hi i tan a tha zawk.

⁶I ka chuan tihsualtir che suh se; vantirhkoh hmaah pawh, Tiam sual palh a nih kha, ti hek suh. Enga tan nge i awka chhuakah Pathian a thinur ang a, i kut chhuak thilte a tih boral ang le?

⁷Mumang a tam poh leh thu lawilo a tam a ni si a, Pathian chu tih zawk rawh.

⁸Ram bialah rethei hnehchhiahna te, pawngnekin rorelna leh diknate a tibo a ni tih i hmuh pawhin mak ti suh; hotu sang chu a sang lehzualin a mit sir ru reng si a, anni aia sang lehzualte pawh an awm zel a ni.

⁹Tin, lei hlawkna chu mi zawng anwg tan a ni a, lal pawh thlawhhma ring mi bawk a ni.

¹⁰Tangka sum ngainatu chuan tangka sumah duhtawk a hmu lo ang a, hausak ngainatu chuan duhtawk a help hek lo ang: hei pawh hi engmah lo mai a lo ni.

¹¹Sum leh pai a lo pun chuan eitute pawh an pung a, a neitu tan a mita hmuh mai loh chu eng eng a sawtna?

¹²Thawkrimtu chu a ei tlem emaw, a ei tam emaw, a mut a tui thin a, mi hausa chuan a ngahna chu a muthilh loh phah zawk ang.

¹³Ni hnuaia thil pawi tak ka hmuh chu, mahni tana sum khawl a.

¹⁴A sum khawl chu peipun tum a, a chhe ta hlauh si, a fa hnutchhiah tur pawh a nei ta lo hi a ni.

¹⁵A nu pum ata a lo chhuaha saruaka a lo kal ang bawk khan a kal leh ang a, a thawhrim rah engmah a chhawm lo ang.

¹⁶Hei pawh hi thil tha lo tak mai a ni, a lo kal lam ang chiah bawka a kal leh tur hi: boruak tan maia a thawhrim hi eng nge a hlawkna?

¹⁷A dam chhung ni zawng zawngin thim hnuaiah a ei a, a lungni lo em em a, natna tuar leh thinur takin a awm bawk a.

¹⁸Ngai rawh, thil tha leh mawi nia ka hmuh chu, miin a ei a, a in a, a thawhrimna Pathianin a pek, a dam chhung ni zawng zawnga ni hnuaia a thawh thinna thil thate chu nuam ti taka a hman chu a ni: chu chu a chanvo ani mai.

¹⁹Mi tu hnenah pawh Pathianin hausakna leh sum leh pai a peka, chu mi chu chen turin theihna te, a chanvo pawm theihna te, a thawhrimna nuam tih theihnate a pek hi, he'ng hi Pathian thilpek a ni.A dam chhung nite chu a hre mang dawn si lo a, a thinlung lawmnaah chuan Pathianin a chhan vangin.

²⁰A dam chhung nite chu a hre mang dawn si lo a, a thinlung lawmnaah chuan Pathianin a chhan vangin.