Read Baibul, Mizo Thuhriltu 6 Bible Online

Thuhriltu 6 - Baibul, Mizo bible

Thuhriltu 6

¹Thil tha lo ni hnuaia ka hmuh chu, mihring tana rit tak a ni:

²Mi, Pathianin hausakna te, sum leh pai te, zahawmnate a pek chu a rilruin a chak zawng zawng chu engmah chham loin a awm a; mahse, Pathianin chu mi chu chen turin theihna a pe lo a, mi dangin a chen ta zawk a: hei hi engmah lo mai a lo ni a, hrehawmna kulmut tak a ni.

³Miin fa za pawh hring se la, kum tak tak damin, a dam kum nite chu tam hle mah se, a dam lai thil tha chen lo a, phum pawh a hlawh si loh chuan, ani ai chuan a hun loa pian pawh tha ka ti zawk.

⁴Ani chu chhuak thlawn mai a ni a, thimah a lut a, a hming chu thimin a chhilh bo ta a:

⁵Chu loah pawh ni a hmu lo a, a hre hek lo; a dang ai khan a nihlawh zawk a ni.

⁶A ni, kum sang let hnih pawh dam se la, thil tha a hmuh si loh chuan thuhmun an ni mai lo'm ni?

⁷Mihring thawhrimna zawng anwg chu a hrawk atan a ni mai a; mahse, a chak a daih chuang lo.

⁸Mi fing chuan mi a aiin sawtna eng nge a hmuh chuanbik? A nih loh leh, mi rethei, mi nungdamte hmaa len thia chuan eng nge a hmuh?

⁹Chakna chavai mai mai ai chuan mita hmuh sa ngei chu a tha zawk: hei pawh hi engmah lo leh thil lo thlawn mai a lo ni.

¹⁰Thil lo awm apiang hi hming vuah tawh a ni a, mihring nihna pawh hi hriat sa a ni; amah aia ropui zawk chu a dodal thei lo.

¹¹Thu a tam poh leh engmah lo a tam mai a ni a, mihring tan eng nge a thatna?Mi, a nun lothlawn ni rei lo te, hlimthla ral leh mai tur anga a nun chhung hian a tana the ber tur chu tu nge hria ang? Ni hnuaiah hian mi, a hnua thil lo awm tur chu tu nge hrilh thei ang?

¹²Mi, a nun lothlawn ni rei lo te, hlimthla ral leh mai tur anga a nun chhung hian a tana the ber tur chu tu nge hria ang? Ni hnuaiah hian mi, a hnua thil lo awm tur chu tu nge hrilh thei ang?