Read Baibul, Mizo Thuhriltu 8 Bible Online

Thuhriltu 8 - Baibul, Mizo bible

Thuhriltu 8

¹Mi fing ang hi tu nge awm? Thil hrilhfiahna pawh tu nge hria? Finna chuan a hmel a tieng a, a hmel pum chhuak pawh a dang ta.

²Pathian hmaa i thutiam avang chuan lal thupek pawisa turin ka ti a che.

³A hma ata chhuah hmanhmawh suh la, thil tha lo tilui suh: A duh duha ti thin a ni si a.

⁴Lal thu chu thu tawp anih avangi tu nge a hnenah, "Eng nge i tih ni?" ti thei ang?

⁵Thupek pawm apiang chuan engmah a tuar lo ang a, mi fing rilru chuan ningkhawng a hria a ni.

⁶Thil tinreng hian ningkhawng a nei si thin a, mihring buaina chu a tan nasa hle mah se.

⁷Thil lo awm tur chu a hre si lo a, a lo awm dan tur chu tu nge hrilh thei ang le?

⁸Mi thlarau chelh theihna leh thih ni chunga thuneihna nei tumah an awm lo; indo chhungin chawlh a awm lo a, suahsualnain a neitute a chhan chhuak hek lo ang.

⁹Ni hnuaia thiltih zawng zawng kim takin ka ngaihtuah a, hei zawng hi ka chhinchhiah a ni; mi, mi dang chungah pawi khawpin a intilal thin a.

¹⁰Tin, mi suaksualte an phum ka hmu thin a, an liam ta a, thil tidikte pawh hmun thianghlim ata chu an kal bo a, khawpuiah chuan hriat an ni ta lo a. Hei pawh hi engmah lo mai a lo ni.

¹¹Thiltih sual chungah hremna hlen nghal mai a nih thin loh avangin, mihring fate thinlung chu thil sual ti turin a lo ngampa tawh thin a ni.

¹²Mi sual chuan vawi za pawh thil sual tiin dam rei bawk mah se la, Pathian tihtute'n, amah ngei an tih vangin a tha tho ang tih ka hria:

¹³Mahse, mi suaksual tan kha chuan a tha lo ang a, a ni tihseite pawh kha hlimthla ang lek a ni si a, Pathian tihna a neih loh vangin.

¹⁴Lei chungah hian engmah lo a lo awm a lo awm a, mi felte chuan mi suaksualte tawn awm tak an tawng a; mi suaksualte lahin mi felte tawn awm tak an tawng lawi si a. Hei pawh hi engmah lo mai a lo ni ka ti a ni.

¹⁵Tichuan, ni hnuaiah hian ei leh in leh nuam taka awm aliama til tha engmah mihringin a neih loh avangin nawmna hi tha ka ti mai e: chu chu ni hnuaia a dam chhung ni Pathianin a pek zawng zawnga a thawhrimnaahte chuan a tel zel dawn si a.

¹⁶Finna hre tur leh lei chunga thiltih tak zawng zawng hre tura chhun leh zan mu lo chhing loa ka rilru ka han hman chuan.Pathian thiltih zawng zawng, ni hnuaia tih takte chu miin a hmu chhuak thei lo tih ka hmu ta a. Miin zawng eng ang mah se la, a hmu chhuak lo ang; mi fingin hriat inring teh mah se, a hmu chhuak thei bawk hek lo ang.

¹⁷Pathian thiltih zawng zawng, ni hnuaia tih takte chu miin a hmu chhuak thei lo tih ka hmu ta a. Miin zawng eng ang mah se la, a hmu chhuak lo ang; mi fingin hriat inring teh mah se, a hmu chhuak thei bawk hek lo ang.