Read Baibul, Mizo Hla Thlan Khawmte 1 Bible Online

Hla Thlan Khawmte 1 - Baibul, Mizo bible

Hla Thlan Khawmte 1

¹Hla thlan khawmte, Solomona phuah chu.

²Min fawp rawh se, a hmuia fawhnate chuan, uain hnehin a tha si, i hmangaihna.

³I hriak hnawih mi chuan a nei, rim tha tak mai; rimtui bun chauh ang a ni e, i hming zawng; chuvang chuan an hmangaih che, nulate'n.

⁴Min zai langin, i hniakhnung kan um ang che; min hruia lut ta, lal chuan a pindan chhungah nangma tawnah kan hlimin kan lawm ang a, ka hmu zel ang, i hmangaihna uain hnehin. An ngaina takzet che a ni e.

⁵Ka hang na a, ka nalh a nia. Aw Jerusalem fanute u, Kedar puan inte leh Solomona puanzarte angin.

⁶Ka han deuh vangin mi iai suh u, ni sain min em vang pawh hian; ka nu fapate ka chungah thinurin grep huan vengah mi siam ta a, mahni huan erawh ka veng si lo.

⁷Min hrilh rawh, aw nang ka hmangaih chuan, i ran rual khawiah nge i chawm a, chhun laia i chawlhtirna thin chu: Engah nge kei ka vah ka vah ang, i thiante ran rual sirah chuan?

⁸I hriat loh chuan, aw nang hmeichhia a laia mawi ber, ran rual hniakhnungah chuan kal ta la, i keltete chawm la, berampute puan in sirah chuan.

⁹Ka khaikhin thin che, aw ka hmangaih, Pharaoa tawlailir sakawr la nen chuan.

¹⁰A nalh mang e, i biang, bahsam phiar mawi nen, i nghawnga lunghlu hruite nen chuan.

¹¹Rangkachak thirhrui ka siam ang che, tangkaraw belmawi neiin.

¹²Thutna hmuna lalber awm laiin ka nard rimtui chu a leng chhuak e.

¹³Ka duhtak chu ka tan murra tel a ni, ka tanglaia cham ang hi.

¹⁴Ka duhtak chu ka tan henna par bawr ang, Engedi grep huana mi chu.

¹⁵Ngai teh, i mawi e, ka hmangaih, ngai teh, i mawi e; i mit thuro ang mai a ni e.

¹⁶Ngai teh, i mawi e, ka duhtak, a ni, lungtiawi, kan khum pawh a hring reng e.Kan in khanchhukte chu sidar thing, kan inchhunte far thing lo ni e.

¹⁷Kan in khanchhukte chu sidar thing, kan inchhunte far thing lo ni e.