Read Baibul, Mizo Hla Thlan Khawmte 2 Bible Online

Hla Thlan Khawmte 2 - Baibul, Mizo bible

Hla Thlan Khawmte 2

¹Ka lo ni e, Saron par leh phaizawla lili.

²Hling zinga lili ang hi ka hmangaih chu a ni, lanute zingah.

³Ngaw hnuai thing zingaapple thing ang ka duhtak chu a ni, tlangvalte zingah. A hlimah chuan ka thu, nuam takin, a rah chu ka tan a thlum ngei e.

⁴Ruai theh inah chuan kei mi hruai a, ka chungah a puanzar chu hmangaihna.

⁵Grep thei chhanga mi tungnungin mi tiharh teh u, apple theiin, hmangaihnaah ka uai zo ta e.

⁶A kut veilam chu ka lukhama'n, a kut dinglamin mi pawm teh se!

⁷Ka ngen tlat che u, aw Jerusalem fanute, saza leh ram zukpui chhalin, hmangaihna chu chawk thoa tiharh lo turin; amahin a duh hma chuan.

⁸Ka duhtak aw chu, ngai rawh, a lo kal e, tlangah zuang tumin mualah a tualchai e.

⁹Ka duhtak chuan a ang, saza emaw zuktuai; ngai rawh, a ding reng ka bang phenah, a rawn bih kha tukverhahte chuan, zawngdaikalh awngah a inlan e.

¹⁰Ka duhtak chuan heti hian mi ti a. Tho la, ka hmangaih, ka enchim loh, lo kal ta che,

¹¹En teh, thlasik a ral a, ruahtui a kangin a kiang ta si;

¹²Leia'n pangparte an lo lang a, sirva zai vawr hun a lo thleng a, thuva awrawl hriat a ni ta, kan ramah hian;

¹³Theipui kungin rah a chhuah a. Grep hruite an lo par vul, an rimtuinate leng chhuakin. Tho la, ka hmangaih, ka enchim loh, lo kal ta che,

¹⁴Aw ka thuva, lungpui keh kara mi, kham chhawrdawha awm, i hmel min hmuhtir la, i aw min hriattir ta che; i aw a mawi a, i hmel lah a nalh si.

¹⁵Min mansak u la, sihalte, sihal note te, grep huan tichhetute chu, kan grep huante a par vul mek si, tiin.

¹⁶Ka duhtak chu ka ta a ni, kei pawh a ta ka ni e, a ran rual tlattir thin kha, lili par zingah.Ni a nema hlim a her bo hma loh chuan, ka duhtak, Bether tlang saza, zuk tuai ang chang rawh.

¹⁷Ni a nema hlim a her bo hma loh chuan, ka duhtak, Bether tlang saza, zuk tuai ang chang rawh.