Read Baibul, Mizo Hla Thlan Khawmte 3 Bible Online

Hla Thlan Khawmte 3 - Baibul, Mizo bible

Hla Thlan Khawmte 3

¹Zanah laikhum chungah ka dawn thin, ka hmangaih chu, ka zawng ruai e, ka tawng si lo e.

²Ka tho ang a, khawpui daikawn ka vel ang, kawtthlerah leh mual laiahte chuan; ka zawng zel dawn e, ka hmangaih chu. Ka zawng ruai e, ka tawng si lo e.

³Khawpui venga kal hualtuten min hmu a; ka hmangaih chu in hmu emaw? Ka ti a.

⁴Anmahni ka pelh hnu lawkah chuan, ka hmu ta e, ka hmangaih chu; ka vuan ta a, ka kaltir leh tawh rua lo, ka nu inah, mi paitu pindan chhungah, amah ka hruai luh hma loh zawng.

⁵Ka ngen tlat che u, aw Jerusalem fanute, saza leh ram zukpui chhalin, hmangaihna chu chawk thoa tiharh lo turin; amahin a duh hma chuan.

⁶Eng nge ni hei, meikhu ding ang thlaler ata lo kal hi, murra leh beraw rimtui nam rum rum sumdawngtu paudar tinreng rim chenin?

⁷Ngai rawh, Solomona zawnna tawlai chu, ralhrat sawmrukin an din hual e, Israel ralhrat zinga mite chuan.

⁸An zain khandaih an vawng, do thiam an ni: Mi tinin khandaih an pai, an khel chungah, zantianga hlauhawm vang hian.

⁹Lal Solomona'n zawn bawm a tan a insiam, Lebanon tlang thing hmanrua ngeiin;

¹⁰A bante a siam a, tangkaruain, a nghenchhan chu rangkachakin, a thutthleng chu puan sendukin; a chhung lam chu an rem, duhawm takin, Jerusalem fanute chuan.Kal chhuak u la, aw Zion fanute, Lal Solomona chu en r'u; a khumtir kha, a nu'n lallukhum, a nupui neih ni, a thinlung lawmna niah chuan.

¹¹Kal chhuak u la, aw Zion fanute, Lal Solomona chu en r'u; a khumtir kha, a nu'n lallukhum, a nupui neih ni, a thinlung lawmna niah chuan.