Read Baibul, Mizo Hla Thlan Khawmte 6 Bible Online

Hla Thlan Khawmte 6 - Baibul, Mizo bible

Hla Thlan Khawmte 6

¹I duhtak chu khawiah nge a kal tak: aw hmeichhia a laia mawi ber, khawi lamah nge i duhtak lam ang a let, keini'n kan zawnpui theihna'n che?

²Ka duhtak chu a chhuk ta, a huan hlo rimtui hmunah chuan, huanah a ran rual tlattir leh a lili par lawr turin.

³Ka duhtak ta chu ka ni a, ka duh tak chu ka ta a ni: a ran rual tlattir thin kha, lili par zingah.

⁴I mawi mang e, aw ka duhtak, Tirza iangin, i duhawm e, Jerusalem khawpui ang; puanzar khai pheisen rual ang, ka zuam lo che.

⁵I mit la tawh la, ka lakan hian, min hmin tawh em mai si hi. I bahsamin a iang kel chal hmul, i sam chu kel rual, Gilead tlang panga bawk ang a ni.

⁶I hate chu berampui rual bual zawh hlim ang chu a ni; an zaa kawppui nei theuhin, nei lo reng an awm lo, an zingah.

⁷I biangte'n theibuhfai phel an iang e, i hmai khuhna phenah chuan.

⁸Lalnu sawmruk leh hmei sawmriat an awm a, nula chhiar sen lohte nen.

⁹Ka thuro zawng pakhat a ni, ka sawiselbovi chu, a nu fanu neih chhun te, a hringtu en phal loh chu. Hmeichhiate'n amah an hmu a, nihlawh an ti; A ni, lalnu leh hmeite pawhin an fak thin.

¹⁰Tu a ni nge zing eng mawi ang lo lang kha, chhawrthlapui ianga mawi leh turni ianga chianga, puanzar khai pheisen rual ang, ka zuam loh chu?

¹¹Thei pil sak hmunah ka zuk kal a, ruama thil chawrno en tur leh grep a kuhmum emaw, theibuhfai a par emaw en turin.

¹²Ammi-nadib tawlailirahte ka hriat loh hlanin mi lo dah, ka chakna chuan.

¹³Kir rawh, kir rawh, aw nang Sulam mi, kir rawh, kir rawh, ka thlir theihna'n che.Engah nge Sulam mi i thlir le, Mahanaim lama lam ang emin?

¹⁴Engah nge Sulam mi i thlir le, Mahanaim lama lam ang emin?